ភ្នំពេញ ៖ រថយន្តកាម៉ារីឆ្លាមមួយគ្រឿង បានហក់ត្របាក់បង្គោលដងហ្គោម បំភ្លឺផ្លូវទាំងកម្រោលដោយសារតែអ្នកបញ្ជាចង្កូត មានសភាពស្រវឹងធ្លាក់ភ្នែក បើកបត់យ៉ាងលឿនកាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី០៧ ខែវិច្ឆិកាឆ្នាំ២០១៥ នៅចំណុចខាងមុខសាលាជាតិគ្រប់គ្រងផ្លូវលេខ៩៦ ក្នុងសង្កាត់វត្តភ្នំ ខណ្ឌដូនពេញ។
ប្រភពព័ត៌មានពីកន្លែងកើតហេតុបានឲ្យដឹងថា រថយន្តបង្កម៉ាកកាម៉ារីឆ្លាមពណ៌ស្ក ពាក់ស្លាកលេខភ្នំពេញ២S ០៨៦៥ បើកបរដោយបុរសម្នាក់ ប្រហែលទើបចេញពីផឹកស៊ី មានសភាពស្រវឹងដាបបានបើកបោះពួយយ៉ាងលឿនតាមផ្លូវមុនីវង្ស ពីជើងមកត្បូងលុះមកដល់ចំណុចខាងមុខសាលាជាតិគ្រប់គ្រងបានបួងចង្កូតបត់ឆ្វេង ក៏ជ្រុលហោះទៅបុកបង្គោលដងហ្គោម បំភ្លឺផ្លូវទាំងកម្រោល បណ្ដាលឲ្យខូចខាតបង្គោលភ្លើងមួយដើម និងរថយន្តបង្កវិញត្រូវខូចខាតផ្នែកខាងមុខទាំងស្រុងផ្នែកខាងស្តាំនិងបែកកង់មុខព្រមទាំងផ្ទុះពោងការពារសុវត្ថិភាពតែដំណាងល្អ អ្នកបើកបររថយន្តបង្កហេតុនោះមិនគ្រោះថ្នាក់នោះទេ។ បន្ទាប់មកកម្លាំងមូលដ្ឋានបានរាយការណ៍ទៅផ្នែកជំនាញក្រុង ចុះមកស្ទូចរថយន្តបង្កហេតុនោះ ទៅរក្សាទុកនៅការិយាល័យក្រុងរង់ចាំដោះស្រាយ នាពេលក្រោយបន្តទៀត៕
អាឆ្លាមហក់ត្របាក់បង្គោលភ្លើងទាំងកម្រោលខ្ទេចមុខអស់
0 Comments