ភ្នំពេញ ៖ បក្ខពួកចោរលួចម៉ូតូម្នាក់ក្នុងចំណោម២នាក់ ត្រូវបានសមត្ថកិច្ចនិងប្រជាពលរដ្ឋចាប់បានវាយទ្រោមខ្លួន ខណៈពេលកំពុងធ្វើសកម្មភាព លួចម៉ូតូគេបានសម្រេចចេញពីក្នុងផ្ទះហើយ តែជិះរត់គេចខ្លួនបានប្រហែល១គីឡូម៉ែត្រ ត្រូវប្រជាជនជួយស្ទាក់ចាប់បានភ្លាមៗ។
ហេតុការណ៍នេះបានកើតឡើង កាលពីវេលាម៉ោង១២ និង ៣០នាទី ថ្ងៃទី១០ ខែវិច្ឆិកា ឆ្នាំ២០១៥ នៅភូមិឃ្មួញ សង្កាត់ឃ្មួញ ខណ្ឌសែនសុខ។
ជនជាប់ចោទជាចោរលួចនោះ ឈ្មោះ ទៀង អឿន ភេទប្រុស អាយុ៤៣ឆ្នាំ គ្មានមុខរបរច្បាស់លាស់ និងមានទីលំនៅភូមិត្រពាំងថ្លាន់ ឃុំប្រក់ភ្នំ ស្រុកអង្គរជ័យ ខេត្តកំពត។ និងបក្ខពួកគេម្នាក់ទៀត ឈ្មោះ កិ នៅខេត្តកំពង់ចាម។
បើតាមសំដី របស់ជនរងគ្រោះឈ្មោះ សេង វណ្ណះ ភេទប្រុស អាយុ៣០ឆ្នាំ មុខរបរកម្មករក្រុមហ៊ុនលី ឈួង មានទីលំនៅភូមិឃ្មួញ សង្កាត់ឃ្មួញ ជាម្ចាស់ម៉ូតូ បាននិយាយរៀបរាប់ប្រាប់សមត្ថកិច្ចថា នៅមុនពេលកើតហេតុជនរងគ្រោះ បានចេញពីធ្វើការនៅម៉ោង១១ លុះមកដល់ផ្ទះបានចតម៉ូតូនៅមុខផ្ទះ មួយស្របក់ក្រោយមកនៅវេលាម៉ោង១២ និង៣០នាទី ថ្ងៃត្រង់អ្នកជិតខាង
បានឃើញក៏ស្រែកចោរៗ ជនរងគ្រោះ ឮចេញមកឃើញក៏ខ្ចីម៉ូតូប្អូនជិះដេញតាមបណ្តើរប្តឹងសមត្ថកិច្ចបណ្តើរ តាមទាន់នៅម្តុំផ្លូវប្រឡាយ៩២ ក៏ធាក់ផ្តួល ហើយប្រជាពលរដ្ឋឃើញក៏មកជួយអន្តរាគមន៍ វាយ១ដៃ១ជើងម្នាក់ បែកមុខបែកមាត់ ទ្រោមខ្លួនហើយភ្លាមៗនោះសមត្ថកិច្ច បានមកទាន់ឃាត់ប្រជាពលរដ្ឋ និងចាប់វាយខ្នោះដៃយកទៅសួរនាំ និងដកហូតម៉ូតូរបស់ជនរងគ្រោះបានមកវិញ ម៉ាកហុងដា សេ១២៥ស៊េរីឆ្នាំ២០១៤ ពាក់ស្លាកលេខភ្នំពេញ1CM-1376 ពណ៌ខ្មៅ។
តាមចម្លើយសារភាពរបស់ជនល្មើស បានប្រាប់ថា ខ្លួនមានបក្ខពួកម្នាក់ទៀតឈ្មោះ កិ នៅខេត្តកំពង់ចាម ជាអ្នកមានម៉ូតូ និង ដែកកែច្នៃសំរាប់កាច់បំបាក់សោដឹកខ្លួនមកធ្វើសកម្មភាពលួច តែបានគេចខ្លួនបាត់។
ប៉ូលិស កំពុងស្រាវជ្រាវ តាមស្វែងរកចាប់ខ្លួនជនបក្ខពួកជនល្មើសម្នាក់ទៀត ឈ្មោះកិ នោះដើម្បី យកមកផ្តន្ទាទោសតាមច្បាប់៕
តុលាការប្រជាពលរដ្ឋ វាយចោរលួចម៉ូតូម្នាក់មួយដៃមួយជើងស្ទើរស្លាប់
0 Comments