ភ្នំពេញ ៖ សេចក្តីរាយការណ៍បានឲ្យដឹងថា មានរថយន្តកាមរី បានជិះដេញបុករថយន្តបាឡែន បណ្ដាលឲ្យផ្ទុះរថយន្តឆេះយ៉ាងសន្ធោសន្ធៅធ្វើឲ្យមនុស្ស២នាក់ នៅក្នុងរថយន្តឆេះខ្លោចស្លាប់២នាក់ ហើយថែមទាំងឆេះរាលដាលដល់ផ្ទះប្រជាពលរដ្ឋទៀតផង។
ហេតុការណ៍នេះ កើតឡើងវេលាម៉ោងជិត១រំលងអធ្រាត្រ ឈានចូលថ្ងៃទី៨ ខែវិច្ឆិកា ឆ្នាំ២០១៥ ស្ថិតនៅចំណុចផ្លូវជាតិលេខ៥ ម្ដុំគីឡូម៉ែត្រលេខ៦ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ប្រភពបានបន្តថា ការឆេះរាលដាលនេះដែរ ត្រូវបានរថយន្តពន្លត់អគ្គិភ័យចំនួន១១គ្រឿងបានចេញអន្តរាគមន៍បាញ់ពន្លត់ទម្រាំរលត់។ ខណៈពេលនេះ គេនៅពុំទាន់ដឹងថា មូលហេតុអ្វីទើបឈានដល់ការជិះឡានដេញបុកគ្នាបណ្ដាលឲ្យផ្ទុះឆេះរថយន្ត ហើយរាលដាលដល់ផ្ទះប្រជាពលរដ្ឋបែបនេះទេ៕
0 Comments