បន្ទាយមានជ័យ ៖ ប្រាំពីរពាន់លាន សុបិន្ដភពផែនដីតែមួយរស់នៅដោយចីរភាព គឺជាពាក្យស្លោកក្នុងប្រធានបទនៃទិវាអនាម័យបរិស្ថានជាតិដែលប្រារឰធ្វើឡើងនៅក្នុងបរិវេណសាលាបឋមសិក្សាអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យក្រោមការចូលរួមពីសំណាក់លោក អ៊ុង អឿន ប្រធានក្រុមប្រឹក្សាខេត្ត គោស៊ុំ សារឿត អភិបាលខេត្តបន្ទាយមានជ័យ និងអស់លោកជាប្រធានមន្ទីរជុំវិញខេត្តព្រមទាំងនិស្សិត សិស្សសាលាជាច្រើន។
លោកស្រី ចាន់ ថេង អភិបាលក្រុងសិរីសោភ័ណបានលោកឡើងថា ការប្រារឰទិវាអនាម័យបរិស្ថានជាតិនេះក្នុងគោលបំណងបញ្ជ្រាបការយល់ដឹង ការចូលរួមលើកកម្ពស់ ការសម្អាតអនាម័យបរិស្ថានការគ្រប់សំណល់រឹងរាវមានជាអាទិ៍ ការទុកដាក់សំរាមក្នុងធុងឲ្យបានត្រឹមត្រូវ ការញែក ការវិចខ្ចប់សំរាមទៅតាមប្រភេទ កាត់បន្ថយការប្រើថង់ប្លាស្ទិក។ ដូចនេះលោកស្រីសង្ឃឹមថា ប្រជាពលរដ្ឋ សិស្សានុសិស្ស កាន់តែយល់ដឹង និងបង្កើនកិច្ចសហការល្អរួមគ្នាថែរក្សាអនាម័យបរិស្ថានឲ្យកាន់តែមានការអភិវឌ្ឍ។
លោក គោស៊ុំ សារឿត អភិបាលខេត្តបន្ទាយមានជ័យបានមានប្រសាសន៍ថា ការដែលមិនអាចគ្រប់គ្រងបាននៅសំណល់រឹងរាវមិនបាននៅតាមផ្លូវថ្នល់ទីសាធារណៈអ្នកប្រើប្រាស់ និងប្រព័ន្ធលូវាបង្កឲ្យប៉ះពាល់យ៉ាងខ្លាំងដល់សុខភាពពលរដ្ឋខ្លួនឯងវិញ ហើយខូចសណ្ដាប់ធ្នាប់ និងប៉ះពាល់ដល់ភ្ញៀវទេសចរ។
បញ្ហាបរិស្ថានគឺជាបញ្ហាសំខាន់ដែលពិភពលោកកំពុងតែគិតគូរខ្លាំងដែលធ្វើឲ្យមានការប្រែប្រួលអាកាសធាតុ និងបង្កគ្រោះមហន្តរាយដល់មនុស្ស។
លោក យឹម លី ប្រធានមន្ទីរបរិស្ថានខេត្តបន្ទាយមានជ័យបានឲ្យដឹងថា បន្ទាប់ពីចប់កម្មវិធីដែលមានការចោទសួរសំនួរទាក់ទងបរិស្ថានទៅដល់សិស្ស និស្សិត ក៏មានការចែកធុងសំរាមដល់៧សង្កាត់នៃក្រុងសិរីសោភ័ណ ដើម្បីដាក់តាមគោលដៅនានាក្នុងខេត្តរួចមកគណៈអធិបតី និងអ្នកចូលរួមបែងចែកចុះសម្អាតបរិស្ថានតាមផ្លូវ និងមាត់លូនៃទីប្រជុំជនខេត្ត៕
ប្រាំពីរពាន់លាន សុបិន្ដភពផែនដីតែមួយរស់នៅដោយចីរភាព
0 Comments