ភ្នំពេញ ៖ បុរសមិនស្គាល់អត្តសញ្ញាណម្នាក់ ត្រូវបានគេប្រទះឃើញដេកសន្លប់ស្តូក នៅលើផ្លូវទំនប់កប់ស្រូវ ត្រង់ស្ថានីយបូមទឹក ស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ កាលពីវេលាព្រឹកថ្ងៃទី៦ ខែវិច្ឆិកា ឆ្នាំ២០១៥ ដែលគេសន្និដ្ឋានថា អាចមានជនខិលខូចដាក់ថ្នាំសណ្ដំ ដើម្បីលួចយកទ្រព្យសម្បត្តិ ហើយដឹកយកមកបោះចោល នៅទីនេះស្មានតែស្លាប់។
លោក អនុសេនីយ៍ទោ ញាណ នន នាយប៉ុស្តិ៍នគរបាលរដ្ឋបាលសង្កាត់ឃ្មួញ បានមានប្រសាសន៍ ឲ្យដឹងនៅវេលាម៉ោង៨និង៥០នាទីមុននេះថា មានជនមិនស្គាល់អត្តសញ្ញាណម្នាក់ត្រូវបានជនមិនស្គាល់មុខដឹកយកមកទម្លាក់ចោល នៅទីនៅក្បែរស្ពានស្ថានីយបូមទឹកផ្លូវទំនប់កប់ស្រូវក្នុងសង្កាត់ឃ្មួញ នៅវេលាម៉ោងប្រហែល៥កន្លះព្រឹកមិញនេះ ប៉ុន្តែត្រូវបាន កងកម្លាំងរបស់លោក បានដឹកយកទៅមន្ទីរពេទ្យដើម្បីសង្គ្រោះជីវិត ជាបន្ទាន់ ហើយតាមប្រសាសន៍របស់លោក បានឲ្យដឹងថា ស្ថានភាពអាការៈរបស់ជនរងគ្រោះមានសភាពធ្ងន់ធ្ងរនៅឡើយ មិនទាន់ដងខ្លួនទេ ហើយយោងតាមការ តាមត្រួតពិនិត្យនៅលើដងខ្លួនរបស់ជនរងគ្រោះគ្មានស្លាកស្នាមរបួសអ្វីនោះទេ ដូច្នេះវាអាចជាករណី ត្រូវគេដាក់ថ្នាំសណ្ដំ យកទ្រព្យសម្បត្តិ នៅកន្លែងស្ងាត់ណាមួយរួចដឹកជនរងគ្រោះបោះចោលតែម្តង។
លោក នាយប៉ុស្តិ៍រូបនេះបានប្រាប់ថា នៅពេលជនរងគ្រោះដឹងខ្លួនទើបអាចដងរឿងរ៉ាវច្បាស់ថា តើនរណាជាជនល្មើសពិតប្រាកដនោះ? ៕
បុរសម្នាក់ត្រូវគេដឹកយកមកបោះចោល នៅទំនប់កប់ស្រូវ បានប៉ូលិសប៉ុស្តិ៍ឃ្មួញជួយសង្គ្រោះ
0 Comments