បន្ទាយមានជ័យ ៖ ព្រោះតែឡើងជែងរថយន្តRangRoverមួយទៀតក្នុងស្ថានភាពគ្រោះថ្នាក់បណ្ដាលអោយ រថយន្តហាយឡែនដឺមួយគ្រឿងរេចង្កូតក្រឡាប់បោកបាក់ខ្ទិចរបង និងប៉ាណូហត្ថាកសិករ កាលពីរសៀលថ្ងៃទី៥ ខែវិច្ឆិកា ឆ្នាំ២០១៥ លើកំណាត់ផ្លូវជាតិលេខ៥ ក្នុងឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។
តាមអ្នកឃើញហេតុការណ៍បានឲ្យដឹងថា រថយន្តហាយឡែនដឺដែលក្រឡាប់បោករបង និងប៉ាណូហត្ថាកសិករ ពាក់ស្លាកលេខ សៀមរាប 2B 2156 បើកបរពីត្បូងទីជើង លុះដល់ចំណុចកើតហេតុបានឡើងវ៉ារថយន្ត RangRoverមួយគ្រឿងដែលកំពុងវ៉ារថយន្តមួយទៀតក្នុងស្ថានភាពគ្រោះថ្នាក់បណ្ដាលឲ្យរថយន្តហាយឡែនដឺរេចង្កូតទៅខាងឆ្វេងក្រឡាប់បោកបាក់របង និងប៉ាយប៉ាណូរបស់ហត្ថាកសិករមីក្រូហិរញ្ញវត្ថុធ្វើឲ្យប៉ាណូដួលខ្ទិច។ ចំណែងរថយន្តRangRoverដែលគេដឹងថា ជារថយន្ត ពណ៌ខ្មៅ តែមិនស្គាល់ស្លាកលេខនោះ បានបើកទៅទិសខាងជើងបាត់ស្រមោល។
ក្រោយកើតហេតុភ្លាមៗសមត្ថកិច្ចនគរបាលចរាចរណ៍ជើងនៃអធិការនគរបាលស្រុកមង្គលបូរី ក្រោយទទួលបានព័ត៌មានសមត្ថកិច្ចបានចេញតាមមុខសញ្ញាស្វែងរករថយន្តបង្កតែរកមិនឃើញ។
ចំពោះមុខម្ចាស់រថយន្តហាយឡែនដឺដែលពុំមានគ្រោះថ្នាក់បានជួបដោះស្រាយផលប៉ះពាល់ជាមួយខាងហត្ថាកសិករមីក្រូហិរញ្ញវត្ថុដោយពុំចំបាច់ឲ្យសមត្ថកិច្ចដោះស្រាយក្នុងតម្លៃជាងមួយពាន់ដុល្លារ៕
រថយន្តហាយឡែនដឺបើកជែងរថយន្តRangRoverបុកបាក់របង និងប៉ាណូហត្ថាកសិករខ្ទេច
0 Comments