អ្នកប្រដាល់ David Haye បានបង្ហាញឲ្យដឹងថា គាត់កំពុងតែមានគោលដៅប្រកួតសងសឹកជាមួយនឹងអ្នកប្រដាល់សញ្ជាតិអ៊ុយក្រែន Wladimir Klitschko នាពេលឆាប់ៗនេះ។
អ្នកប្រដាល់សញ្ជាតិអង់គ្លេស វ័យ៣៥ឆ្នាំរូបនេះបានបាត់បង់ខ្សែក្រវាត់ WBA ក្រោមថ្វីដៃរបស់អ្នកប្រដាល់ Wladimir Klitschko កាលពីឆ្នាំ២០១១ម្ដងរួចមកហើយ ហើយបានអះអាងថា គាត់នឹងបង្ហាញពីគោលជំហរឡើងប្រកួតជាថ្មីម្ដងទៀតជាមួយនឹងអ្នកប្រដាល់សញ្ជាតិអ៊ុយក្រែននាពេលខាងមុខនេះ។
កីឡាករ David Haye នឹងត្រូវឡើងសង្វៀនប្រកួតជាលើកដំបូងជាមួយនឹងអ្នកប្រដាល់ Mark de Mori នៅខែមករាឆ្នាំក្រោយនេះ ចាប់តាំងពីរងបរាជ័យក្រោមថ្វីដៃរបស់អ្នកប្រដាល់ Dereck Chisora កាលពីឆ្នាំ២០១២។
David Haye ប្រាប់ទៅកាន់គេហទំព័រ Omnisport ថា គាត់នៅតែស្រឡាញ់ចូលចិត្តកីឡាករប្រដាល់ បើទោះបីជាគាត់មានវ័យច្រើនក៏ដោយ ហើយគាត់សង្ឃឹមថានឹងអាចទទួលបានជ័យជម្នះទៅលើអ្នកប្រដាល់ Mark de Mori ដើម្បីមានឱកាសទៅប្រកួតជាមួយនឹង Wladimir Klitschko។
ជាចុងក្រោយអ្នកប្រដាល់ David Haye បានប្រកាសថា គោលដៅចុងក្រោយរបស់គាត់គឺដណ្ដើមយកខ្សែក្រវាត់ទម្ងន់ធ្ងន់របស់ពិភពលោកមកវិញ៕
អ្នកប្រដាល់David Haye ប្រកាសប្រកួតសងសឹកជាមួយកីឡាករWladimir Klitschko
0 Comments