កំពត ៖ ឯកឧត្តម ខូយ ឃុនហ៊ួរ អភិបាលនៃគណអភិបាលខេត្ត លោកឧត្តមសេនីយ៍ត្រី ប៉ែន សុក្រិត្យវិទ្យា ប្រធានមណ្ឌលប្រលង លោកឧត្តមសេនីយ៍ត្រី អ៊ុង វណ្ណារិទ្ធ មេបញ្ជាការ ប្រតិបត្តិសឹករង ខេត្តកំពត និងអស់លោកជាគណៈកម្មាធិការប្រលងបានធ្វើការបើកវិញ្ញាសា ប្រលងជ្រើសរើស ក្របខ័ណ្ឌ ក្រសួងការពារជាតិនៅវេលាម៉ោង៧និង២០នាទីព្រឹកថ្ងៃទី២០ ខែធ្នូ នៅសាលាកំពតក្រុង ស្ថិតក្នុងសង្កាត់កំពង់កណ្ដាល ក្រុងកំពត។
ការចូលរួមប្រលងជ្រើសរើសនេះគឺសម្រាប់បំពេញកម្លាំងបន្ថែម យោធភូមិភាគទី៣ ដែលមានបេក្ខជន និងបេក្ខនារី ចូលរួមប្រលងក្នុងថ្ងៃនេះ មកពីបណ្ដាខេត្តនានា មានចំនួន ២៨៤នាក់ ក្នុងនោះ ផ្នែកវគ្គនាយទាហានសកម្មជំនាន់ទី២០ មានចំនួន ៤៨នាក់,ផ្នែកវគ្គនាយទាហ៊ានទ័ព ជើងគោក ជំនាន់ទី៨ ចំនួន ១៦៤នាក់ និងផ្នែកវគ្គនាយទាហ៊ាន បន្តវេនជំនាន់ទី៩ ចំនួន៧២នាក់។
ឯកឧត្តម អភិបាលខេត្តបានផ្ដាំផ្ញើឲ្យបេក្ខជន និងបេក្ខនារី ដែលមកចូលរួមប្រលងទាំងអស់ ត្រូវខិតខំបញ្ចេញអស់ពីសមត្ថភាព របស់ខ្លួន ដើម្បីទទួលបានជ័យលាភី ហើយឈានទៅបម្រើជាតិ មាតុភូមិយើង ដែលទៅថ្ងៃអនាគត ប្រទេសជាតិត្រូវការអ្នកជំនាន់ក្រោយបន្តវេនគ្នា ក្នុងកាតព្វកិច្ចបម្រើ ប្រទេសជាតិយើង ជាពិសេសក្នុងវិស័យការពារជាតិនេះ៕
អភិបាលខេត្តកំពត កាត់វិញ្ញាសា បើកការប្រលងជ្រើសរើស ក្របខ័ណ្ឌ ក្រសួងការពារជាតិ
0 Comments