កែប ៖ បុរសវ័យ៥០ឆ្នាំប្លាយម្នាក់ បានស្លាប់ភ្លាមៗ ក្រោយពីស្រវឹងជោកជាំ រួចរអិលខ្លួនធ្លាក់ពីលើគ្រែ កម្ពស់មិនដល់កន្លះម៉ែត្របត់.កស្លាប់នឹងគល់ព្រីង។
ហេតុការណ៍នេះបានកើតឡើងនៅវេលាម៉ោង៤ទៀបភ្លឺ ថ្ងៃទី២០ ខែធ្នូ ឆ្នាំ២០១៥ ស្ថិតនៅចំណុចភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប។
សាក្សីនៅកន្លែងកើតហេតុបានឲ្យដឹងថា ជនរងគ្រោះឈ្មោះ ភិន ផាន ភេទប្រុស អាយុ៥៥ឆ្នាំ រស់នៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប។ ជនរងគ្រោះបានស្លាប់ដោយសាររអិលធ្លាក់ពីលើរានក្រោមដើមព្រីង កម្ពស់មិនដល់កន្លះម៉ែត្រផង។
សាក្សី ដដែលបានបន្ដទៀតថា នៅមុនពេលកើតហេតុ ជនរងគ្រោះបានផឹកស៊ីជាមួយមិត្តភ័ក្ដិរហូតរហូតដល់ ស្រវឹងជោកជាំ រួចក៏បានដេក នៅលើគ្រែក្រោមដើមព្រីងក្បែរផ្ទះ។ លុះនៅម៉ោងកើតហេតុខាងលើ គ្រួសារជនរងគ្រោះក៏ប្រទះឃើញជនរងគ្រោះបានបត់.កស្លាប់បាត់ទៅហើយ ដោយមិនដឹងថា ជនរងគ្រោះបានរអិលធ្លាក់តាំងពីពេលណានោះទេ។
បច្ចុប្បន្ន សពក្រោយការពិនិត្យ របស់កម្លាំងសមត្ថកិច្ចជំនាញរួចរាល់ ក៏បានប្រគល់ឲ្យគ្រួសារ ដើម្បីយកធ្វើបុណ្យតាមប្រពៃណី៕
បុរសម្នាក់ធ្លាក់ពីលើគ្រែកម្ពស់មិនដល់កន្លះម៉ែត្រ ស្លាប់ភ្លាមមួយរំពេច
0 Comments