រដ្ឋមន្ត្រីក្រសួងឧស្សាហកម្មអ៊ីរ៉ង់ លោក Mohammad Reza Nematzadeh បាននិយាយកាលពីថ្ងៃព្រហស្បតិ៍ថា ប្រទេសអ៊ីរ៉ង់ កំពុងតែរៀបចំដើម្បីធ្វើការចរចាស្វែងរកការចូលទៅក្នុងអង្គការពាណិជ្ជកម្មពិភពលោក (WTO) ដោយកសាងនៅលើសន្ទុះនៃព្រឹត្តិការណ៍កិច្ចព្រមព្រៀងនុយក្លេអ៊ែរ នៅពេលដែលក្រុងតេអេរ៉ង់ ធ្វើឲ្យមានសភាពដូចដើមវិញនូវទំនាក់ទំនងសេដ្ឋកិច្ចអន្តរជាតិ បន្ទាប់ពីបានទទួលរងនូវការដាក់ទណ្ឌកម្មរាប់ឆ្នាំនោះមក។
លោក Nematzadeh បាននិយាយប្រាប់បណ្តារដ្ឋមន្ត្រីរបស់ប្រទេសជាសមាជិកទាំង ១៦២ របស់អង្គការពាណិជ្ជកម្មនេះ នៅក្នុងកិច្ចប្រជុំ ដែលធ្វើឡើង ២ ដងក្នុងមួយឆ្នាំ នៅទីក្រុងណៃរ៉ូប៊ីថា ខ្ញុំមកកាន់ទីនេះដោយនាំមកជាមួយនូវសារដ៏សំខាន់មួយ។ ឥឡូវនេះ តាមរយៈការចរចាដ៏ខ្លាំងក្លារាប់ឆ្នាំមកនេះ នៅទីបញ្ចប់ លទ្ធផលនៃការចរចានេះបានសម្អាតនូវការយល់ច្រឡំទាំងអស់ ជុំវិញសកម្មភាពនុយក្លេអ៊ែររបស់អុីរ៉ង់ ហើយយើងកំពុងតែប្រកាន់យកនូវជំហានបន្ទាប់ទៀត ឆ្ពោះទៅរកការធ្វើសមាហរណកម្មឲ្យកាន់តែស៊ីជម្រៅថែមទៀត នៅក្នុងបរិបទសេដ្ឋកិច្ចសកល។
ក្រុងតេអេរ៉ង់ បានចុះហត្ថលេខាលើកិច្ចព្រមព្រៀងមួយ ជាមួយនឹងប្រទេសមហាអំណាច នៅលើពិភពលោក នៅក្នុងខែកក្កដា ដោយយល់ព្រមទប់ស្កាត់ផ្នែករសើបទាំងឡាយនៃកម្មវិធីនុយក្លេអ៊ែររបស់ខ្លួន ក្នុងការប្តូរយកនូវការបន្ធូរបន្ថយពីការដាក់ទណ្ឌកម្មរបស់អន្តរជាតិ។ ការបំបែកភាពទាល់ច្រកនេះ បានកើតឡើង បន្ទាប់ពីប្រទេសនេះបានទទួលបរាជ័យ ក្នុងការស្វែងរកដំណោះស្រាយអស់រយៈពេលជាងមួយទសវត្សមកហើយ ហើយឥឡូវនេះកំពុងតែទាញយកចំណាប់អារម្មណ៍ ពីក្រុមហ៊ុនបរទេស ដែលចាប់អារម្មណ៍នៅក្នុងការចុះកិច្ចព្រមព្រៀងពាណិជ្មកម្មជាមួយខ្លួន។
ការចូលរួមនៅក្នុងអង្គការ WTO នឹងជាប់ទាក់ទងនៅក្នុងការចរចារយៈពេលយូរ និងដ៏លំបាកនោះផង ប៉ុន្តែ លោក Nematzadeh បាននិយាយថា ប្រទេសអ៊ីរ៉ង់ បានត្រៀមខ្លួនដើម្បីបើកចំហរបបពាណិជ្ជកម្ម និងការវិនិយោគរបស់ខ្លួន និងបន្តស្វែងរកការធ្វើសមាហរណកម្មទ្វេភាគី និងនៅក្នុងតំបន់ជាមួយដៃគូពាណិជ្ជកម្មរបស់ខ្លួន។
លោក Nematzadeh បានបន្តថា ទោះជាយ៉ាងណាការធ្វើឲ្យប្រទេសនេះក្លាយទៅជាតំបន់ពេញនិយម គឺពុំមានជំនួយសម្រាប់ប្រព័ន្ធពិភពលោកនោះទេ ហើយហេតុដូច្នេះការធ្វើបញ្ចប់កិច្ចព្រមព្រៀងសមាជិកភាពរបស់ WTO គឺជាអាទិភាពមួយសម្រាប់រដ្ឋាភិបាលអុីរ៉ង់។ ក្នុងឋានៈជាប្រទេសសេដ្ឋកិច្ច ដែលមិនមែនជាសមាជិកដ៏ធំបំផុត នៅលើពិភពលោកនេះ ការចូលជាសមាជិកពេញសិទ្ធិ គឺជាកត្តាឈ្នះឈ្នះមួយ សម្រាប់មនុស្សទាំងអស់ និងជាជំហានដ៏សំខាន់ឆ្ពោះទៅរកការបង្កើតនូវអង្គការសកលមួយដ៏ពិតប្រាកដ។
បើទោះបីជាការពិតដែលថា អ៊ីរ៉ង់មានប្រេង និងឧស្ម័នបម្រុងដ៏ច្រើនបំផុតនៅលើពិភពលោកក៏ដោយ ក៏កំណើនសេដ្ឋកិច្ចរបស់ខ្លួនមានសភាពយឺតដោយសារការដាក់ទណ្ឌកម្មនោះដែរ និងតម្លៃថាមពលធ្លាក់ទាបព្រមទាំងអត្រាការប្រាក់ខ្ពស់។ ការស្នើសុំចូលជាសមាជិក WTO លើកដំបូងរបស់អ៊ីរ៉ង់ គឺនៅក្នុង ខែកក្កដា ឆ្នាំ ១៩៩៦ ប៉ុន្តែលទ្ធផលហាក់ដូចជាមិនប្រសើរសោះ។ អង្គការពាណិជ្ជកម្មពិភពលោកបានចាប់ផ្តើមពិចារណាសមាជិកភាពរបស់អ៊ីរ៉ង់ នៅក្នុងឆ្នាំ២០០៥ ហើយអ៊ីរ៉ង់ បានផ្តល់នូវឯកសារលម្អិតស្តីអំពីច្បាប់ ដែលទាក់ទងរបស់ខ្លួន និងការធ្វើនិយតកម្ម ៤ ឆ្នាំបន្ទាប់។
អុីរ៉ង់ឥឡូវនេះ បានធ្វើបច្ចុប្បន្នភាពនៃឯកសារនេះ និងបានត្រៀមដាក់ជូនអង្គការ WTO និងជាលើកដំបូងហើយ ដែលអ៊ីរ៉ង់ បានត្រៀមចូលធ្វើការពិភាក្សាស្តីអំពីការបញ្ចុះតម្លៃពន្ធ និងរបាំងផ្សេងៗទៀតក្នុងការធ្វើពាណិជ្ជកម្មទំនិញ និងសេវាកម្ម៕
VOA
យុទ្ធនាការរបស់អ៊ីរ៉ង់ ដើម្បីចូលក្នុងអង្គការពាណិជ្ជកម្មពិភពលោក
0 Comments