ក្រុមមន្ត្រីនីហ្សេរីយ៉ាបានព្រមានកាលពីថ្ងៃសុក្រថា ក្នុងសប្តាហ៍នេះក្រុមជីហាដបូកូហារ៉ាមកំពុងរៀបផែនការមួយយកលំនាំតាមការចាប់ជំរិតសិស្ស Chibok មុនពេលកំណត់របស់ប្រធានាធិបតីលោក Muhammadu Buhari ដើម្បីកម្ចាត់ក្រុមនេះ។
ក្រុមមន្ត្រីបានព្រមានថា ជនបរទេសក៏មានហានិភ័យផងដែរ ខណៈដែលរដ្ឋមន្ត្រីក្រសួងព័ត៌មាននិងវប្បធម៌របស់ប្រទេសនេះគឺលោក Lai Mohammed បាននិយាយថា ក្រុមបូកូហារ៉ាមគ្រោងនឹងរៀបចំការវាយប្រហារមួយដែលស្រដៀងគ្នាទៅនឹងការចាប់ជំរិតក្មេងស្រី២៧៦នាក់ ដែលមកពីទីប្រជុំជនភាគឦសាន Chibok ក្នុងឆ្នាំ២០១៤។
លោកMohammed បាននិយាយក្នុងសេចក្តីថ្លែងការណ៍មួយថា “ការពង្រត់ក្មេងស្រី Chibok នៅក្នុងឆ្នាំ២០១៤ ដែលបានទាក់ទាញការយកចិត្តទុកដាក់ជាសកលចំពោះក្រុមភេរវជននេះគឺជាអ្វីដែលឥឡូវនេះកំពុងព្យាយាមកើតឡើងម្តងទៀត”។ជាមួយគ្នានោះ លោកបានជំរុញឲ្យសាលារៀនត្រូវពង្រឹងសន្តិសុខ។
លោក Buhari បានសន្យាថា នឹងលុបបំបាត់ក្រុមបះបោរបង្ហូរឈាមបូកូហារ៉ាមមួយនេះ ដែលបានសម្លាប់មនុស្សរាប់ម៉ឺននាក់គិតត្រឹមចុងឆ្នាំនេះ។ ក្រុមជីហាដនិយមមួយនេះបានចាកចេញពីទឹកដីសំខាន់ វាបានបង្កើនការវាយប្រហារបំផ្ទុះគ្រាប់បែកសាហាវៗដើម្បីបង្កសង្គ្រាមសម្រាប់ក្រុមរដ្ឋឥស្លាម។
ប៉ុន្តែខណៈពេលដែលសមត្ថភាពវាយប្រហាររបស់ក្រុមបូកូហារ៉ាមត្រូវបានកាត់បន្ថយនោះ ការវាយឆ្មក់សម្លាប់មនុស្សយូរៗម្តងនៅតែបានរុកកួនតាមទីប្រជុំជននិងភូមិភាគឦសាននៃប្រទេសនីហ្សេរីយ៉ាព្រមទាំងនៅភាគខាងជើងប្រទេសកាមេរូន ភាគអាគ្នេយ៍ប្រទេសនីហ្សេរ និងបឹងឆាដរបស់ប្រទេសឆាដផងដែរ៕ AFP
នីហ្សេរីយ៉ាព្រមានថា ក្រុមបូកូហារ៉ាមមានផែនការចាប់ជំរិតសិស្សយកលំនាំតាមការចាប់ពង្រត់ Chibok
0 Comments