កំពង់ស្ពឺ ៖ នៅថ្ងៃពុធ ១រោច ខែជេស្ឋ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨ នេះវេលាម៉ោង ១៥ និង៣០នាទី កម្លាំងព្រហ្មទណ្ឌស្រុក សហការជាមួយកម្លាំងផ្នែកសន្តិសុខ បានបង្ក្រាបទីតាំងលេងល្បែងស៊ីសង កត់កន្ទុយលេខ មួយកន្លែងឃាត់ មុខសញ្ញាបានម្នាក់។
លោកវរសេនីយ៍ឯក ឃុត សុផល អធិការនគរបាលស្រុកសំរោងទង បានប្រាប់ឲ្យដឹងថា មុខសញ្ញាមេកត់ឆ្នោតខាងលើ មានឈ្មោះ ជា ស្រីពៅ ភេទស្រី អាយុ ៤៥ឆ្នាំ ជាអ្នកទទួលកត់ រស់នៅភូមិឡ ឃុំកាហែង ស្រុកសំរោងទង ខេត្តកំពង់ស្ពឺ។
លោកអធិការបានបន្តទៀតថា ប្រតិបត្តិការនេះកម្លាំងជំនាញដកហូតបាន លុយចំនួន ២៣០៨០០៛ (ម្ភៃបីម៉ឺនប្រាំបីរយរៀល ) ប៊ិច ១ដើម បន្ទាត់ ១ ម៉ាស៊ីនគិតលេខ ១ ក្រដាសកាបោន ២សន្លឹក ក្រដាសកត់កន្ទុយលេខ ៤សន្លឹក និងទូរស័ព្ទដៃ ១គ្រឿងម៉ាកសាំស៊ុង ពណ៌ខ្មៅ។
បច្ចុប្បន្ន ស្ត្រីដែលទទួលកត់ឆ្នោតសមត្ថកិច្ចកំពុងសាកសួរ និងកសាងសំណុំរឿងតាមនីតិវិធីច្បាប់៕
Source: Kampuchea Thmey Daily
0 Comments