លោក ភា សុភ័ត្រា្ត ឲ្យធ្វើជាគ្រូបង្គោលក្លិបបាល់ទាត់ក្រសួងការពារជាតិរដូវកាលឆ្នាំ២០១៨ ត្រូវគណៈកម្មការវិន័យរបស់សហព័ន្ធកីឡាបាល់ទាត់ជាតិកម្ពុជា ពិន័យមិនឲ្យចូលទីលានប្រកួតរហូតដល់៤ប្រកួតក្រោយចោទប្រកាន់ពីបទមិនគោរពការសម្រេចចិត្តរបស់មន្ត្រីការប្រកួត និងជេរប្រមាថ ទៅតាមមាត្រា៤៧ និង មាត្រា៤៩ នៃក្រមសីលធម៌និងក្រមវិន័យ។
គណៈកម្មការវិន័យនៃសហព័ន្ធកីឡាបាល់ទាត់កម្ពុជា បានចេញលិខិតផ្លូវការក្នុងថ្ងៃទី២៥ ឧសភា ដោយចុះហត្ថលេខាពីប្រធានគណៈកម្មការវិន័យ លោក អេង ពៅទិត្យ នេះដែរ។ យ៉ាងណាលិខិតមួយនេះបានចំហរបើកឲ្យសាមីខ្លួន គឺលោក ភា សុភក្ត្រា មានសិទ្ធិប្ដឹងទៅគណៈកម្មការឧទ្ធរណ៍ របស់សហព័ន្ធកីឡាបាល់ទាត់កម្ពុជា រយៈពេល៥ថ្ងៃក្រោយសេចក្ដីសម្រេច។
សូមរំលឹកថា លោក លោក លឹម ប៊ុនធឿន ជាអាជ្ញាកណ្ដាលកាត់សេចក្ដីប្រកួតរវាងក្រុមវិសាខា ជួបក្រុមវិសាខា លើទីលានកីឡដ្ឋានវេស្ទើន កាលពីថ្ងៃសៅរ៍ ទី១៩ ឧសភា កន្លងទៅ បានដេញលោក ភា សុភត្រា ចេញពីទីលានប្រកួតក្រោយណែនាំមិនស្តាប់នៅអំឡុងតង់ទី២នៃការប្រកួត។ ក្រោយមករយៈពេលជិត១សប្ដាហ៍ទើបគណៈកម្មការវិន័យចេញលិខិតពិន័យដល់គ្រូបង្វឹករូបនេះ។
លោក ភា សុភត្រា បានចូលដឹកនាំក្រុមក្រសួងការពារជាតិ នៅដើមរដូវកាលឆ្នាំ២០១៨នេះ ខណៈមុនចូលកាន់តំណែងជាគ្រូបង្គោលលោកធ្លាប់ធ្វើជាគ្រូជំនួយនៅក្លិបនេះអស់មួយរយៈផងដែរ។ លោក ភា សុភត្រា ជាអតីតកីឡាកររបស់ក្លិបក្រសួងការពារជាតិ ចាប់ពីឆ្នាំ ១៩៩៩ ដល់ឆ្នាំ ២០០៦។ មិនត្រឹមតែប៉ុណ្ណោះ លោកក៏ធ្លាប់បានចូលរួមវគ្គបណ្តុះបណ្តាលធំៗរបស់សហព័ន្ធកីឡាបាល់ទាត់អន្តរជាតិ (FIFA) វគ្គMaster Coaching Course ( Fitness & Management)។
បទពិសោធន៍ជាច្រើនក្នុងនាមជាគ្រូបង្គោលផង និងជំនួយការគ្រូបង្វឹកផង ធ្វើឲ្យ អតីតកីឡាករជម្រើសជាតិកម្ពុជា ( ឈុតយុវជនអាយុក្រោម២២ឆ្នាំ) រូបនេះមានទស្សនវិស័យខ្ពស់លើផ្នែកបច្ចេកទេសនិងរៀបចំក្បួនយុទ្ធសាស្ត្រប្រកួត៕
Source: Kampuchea Thmey Daily
0 Comments