Ad Code

ជន​សង្ស័យ​ពីរ​នាក់​កំពុង​លួច​ជក់​គ្រឿងញៀន​ក្នុង​បន្ទប់​ជួល​ ត្រូវ​បាន​កម្លាំង​នគរបាល​ក្រុង​ប៉ោយប៉ែត​ឃាត់ខ្លួន



បន្ទាយមានជ័យ ៖ កម្លាំង​នគរបាល​ក្រុង​ប៉ោយប៉ែត​ មួយ​ក្រុម​ដឹកនាំ​ដោយ​លោក​វរសេនីយ៍ឯក ធិ​ន​ ស៊ិន​ដេ​ត​ អធិការ​នគរបាល​ក្រុង​ប៉ោយប៉ែត​ បាន​ចុះ​បង្ក្រាប​ជនសង្ស័យ​ពីរ​នាក់​កំពុង​លួច​ជក់​គ្រឿងញៀន​ និង​ដកហូត​វត្ថុ​សម្រាប់​ជក់​គ្រឿងញៀន​បាន​មួយចំនួន​ នៅវេលា​ម៉ោង​ ២​ ល្ងាច កាលពីថ្ងៃទី២៧ ខែឧសភា ឆ្នាំ២០១៨ នៅក្នុង​បន្ទប់​ជួល ស្ថិត​ក្នុងភូមិមិត្តភាព សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ។​លោក​វរ​សេនីយ៍​ឯក ធិ​ន​ ស៊ិន​ដេ​ត ​បានបញ្ជាក់​ឲ្យ​ដឹង​ទៀតថា ​មុន​នឹង​ឈានដល់​ឃាត់ខ្លួន​នោះ ប្រជាពលរដ្ឋ​រាយការណ៍​មក​ថា មាន​ក្មេង​ផ្តុំគ្នា​សង្ស័យ​ប្រើប្រាស់​ថ្នាំញៀននៅក្នុង​បន្ទប់​ជួល​ បន្ទាប់មក​កម្លាំង​នគរបាល​ក្រុង​ប៉ោយប៉ែត បាន​ចុះទៅដល់​ហើយ​ឃាត់ខ្លួន​ជនសង្ស័យ​ប្រើប្រាស់​ថ្នាំញៀន ២ នាក់ ត្រួតពិនិត្យ​រកឃើញ​វត្ថុតាង​រួមមាន​កាំបិត​វែង​ចំនួន​ ៣ ដើម,ទូរស័ព្ទ​ដៃ​ចំនួន​ ១ គ្រឿង,ដែកកេះ​ចំនួន ៣,បំពង់​ទុយយោ​កែវ​ចំនួន ១ និងកន្ត្រៃ​ចំនួន ១ ដើម។​

លោក​វរ​សេនីយ៍​ឯក ធិ​ន​ ស៊ិ​ន​ដេ​ត​ បានបញ្ជាក់​ឲ្យ​ដឹង​ទៀតថា​ ជនសង្ស័យ​ទី១ ឈ្មោះ ឈិន សុភ័ណ ភេទប្រុស អាយុ១៧​ឆ្នាំ មុខរបរ​កម្មករ រស់នៅ​មណ្ឌល៥ សង្កាត់​ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ, ទី​២​ ​ឈ្មោះ ងិន សុផល ភេទប្រុស អាយុ១៦ឆ្នាំ មុខរបរ​គ្មាន រស់នៅ​មណ្ឌល៥​ សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ។

ជនសង្ស័យ​ទាំងពីរនាក់​ត្រូវ​បានកម្លាំង​នាំយកមក​​កាន់អធិការដ្ឋាន ​ដើម្បី​ពិនិត្យ​ទឹកនោម​រក​សារធាតុ​ញៀន ជាលទ្ធផល​មាន​សារធាតុ​គ្រឿងញៀន​ខ្លាំង ហើយ​កម្លាំង​ជំនាញ​កំពុង​សាកសួរ និង​កសាង​សំណុំរឿង​ទៅតុលាការ​តាម​នីតិវិធី៕​

Source: Kampuchea Thmey Daily

Post a Comment

0 Comments

Close Menu