ភ្នំពេញ ៖ ដើម្បីចូលរួមអបអរទិវាកុមារអន្តរជាតិ១មិថុនា ឆ្នាំ២០១៨ ក្រុមហ៊ុនអន្តរជាតិផ្នែកអាហារូបត្ថម្ភAbbott បានរៀបចំកម្មវិធីស្តីពី”Abbott Kid’s Champion 2018” ធ្វើឡើងនៅមជ្ឈមណ្ឌលកំសាន្តKid Cityដែលនាំមកនូវសកម្មភាពសប្បាយរីករាយជាច្រើនដល់កុមារមានអាយុពី២ឆ្នាំដល់៦ឆ្នាំ ដែលចូលរួមជាមួយឪពុកម្តាយ ព្រមទាំងទទួលបានការអប់រំទៅលើសារៈសំខាន់អាហារូបត្ថម្ភសម្រាប់ការលូតលាស់របស់កូនខ្លួន។
នៅក្នុងកម្មវិធី”Abbott Kid’s Champion 2018”នេះផ្តល់នូវសកម្មភាពសប្បាយៗដល់កុមារដូចជាការគូរមុខ ការសំដែងសៀក ការបោះបាល់ ការទាយរូបភាព ការស្វែងរកពាក្យជាដើម ដើម្បីឲ្យកុមារអាចបង្ហាញសមត្ថភាព បញ្ចេញទេពកោលស្យនិងភាពវៃឆ្លាត របស់ពួកគេ។ អ្នកឈ្នះនឹងទទួលបានរង្វាន់ជាទីពេញចិត្ត ពានរង្វាន់ជ័យលាភី ព្រមទាំងមានការថតរូបជាមួយMascot។ កម្មវិធីនេះក៏បានផ្តល់ឲ្យឪពុកម្តាយមានភាពសប្បាយរីករាយ ទទួលបានចំណេះដឹងស្តីពីសារៈសំខាន់ការជ្រើសរើសអាហារូបត្ថម្ភ ដ៏ល្អបំផុតសំរាប់ការអភិវឌ្ឍន៍ខួរក្បាលនិងរាងកាយរបស់កូនថែមទៀតផងដែរ។
ក្រុមហ៊ុនDKSH Cambodia គឺជាអ្នកផ្តល់សេវាកម្មពង្រីកទីផ្សារឈានមុខគេ ដោយផ្តោតសំខាន់លើទ្វីបអាស៊ី រួមជាមួយក្រុមហ៊ុនអាហារូបត្ថម្ភអន្តរាជាតិ បានរៀបចំកម្មវិធីប្រកួតប្រជែងដណ្តើមជើងឯក”Abbott Kid’s Champion 2018” នេះឡើងក្នុងគោលបំនងដើម្បីឲ្យកុមារទាំងអស់ដែលបានចូលរួមក្នុងព្រឹត្តិការណ៍នេះមានឱកាសបានបង្ហាញជំនាញនិងទេពកោសល្យរបស់ពួកគេ ក្នុងការប្រកួតប្រជែងគ្នាក្នុងសកម្មភាពផ្សេងៗដូចជាការគូរគំនូរ ផាត់ពណ៌ ច្រៀង និងរាំជាដើមព្រមទាំងអាចបង្កើតមិត្តភក្តិថ្មីៗតានរយៈការប្រកួតប្រជែងនេះផងដែរ៕
Source: Kampuchea Thmey Daily
0 Comments