កំពង់ចាម ៖ កម្លាំងអធិការដ្ឋាននគរបាលស្រុកជើងព្រៃ បានចុះបង្ក្រាបសង្វៀន ជល់មាន់ អមដោយវង់អាប៉ោង មួយកន្លែង ដោយបានដកហូតបានម៉ូតូនិងវត្ថុតាង មួយចំនួនធំ រីឯអ្នកលេងបានរត់គេចខ្លួនបាត់។
ប៉ូលិសបានឲ្យដឹងថា នៅវេលា ម៉ោង១៣និង២០នាទី ថ្ងៃទី០២ ខែមិថុនា ឆ្នាំ២០១៨ នៅ ភូមិ សណ្តែក ឃុំសំពងជ័យ ស្រុកជើងព្រៃ ខេត្តកំពង់ចាម កម្លាំងអធិការដ្ឋាននគរបាលស្រុកដែក ដឹកនាំ ដោយលោកវរសេនីយ៍ឯក ប្រាក់ សុគុណ អធិការនគរបាលស្រុកជើងព្រៃ និង លោកវរសេនីយ៍ត្រី សេង លីណូ និង កម្លាំងជំនាញស្រុកបានដឹកនាំកម្លាំងបង្ក្រាបសង្វៀនជល់មួយកន្លែង អមដោយវង់ អាប៉ោង ១ វង់ នៅ ចំណុចស្វាយចន្ទី ស្ថិតក្នុងភូមិ សណ្តែក ឃុំសំពងជ័យ ស្រុកជើងព្រៃ។
ប៉ូលិសបានឲ្យដឹងថា មុនពេលសមត្ថកិច្ចមកដល់ អ្នកលេងបានរត់អស់នៅសល់ តែវត្ថុតាង ត្រូវសមត្ថកិច្ចដកហូតមាន ម៉ូតូ៤៣គ្រឿង មាន់ ៥ក្បាល វល់ អាប៉ោង ១វង់ វត្ថុតាងទាំងអស់ខាងលើ ត្រូវបាននាំយកមកទុកនៅអធិការដ្ឋាន នគរបាលស្រុកជើងព្រៃ ដើម្បីបំពេញសំណុំបែបបទតាមនីតិវិធី៕
Source: Kampuchea Thmey Daily
0 Comments