ព្រះសីហនុ ៖ ជនជាប់សង្ស័យចំនួន៤នាក់ ត្រូវបានសមត្ថកិច្ចប៉ូលិស ការិយាល័យ បង្ក្រាបបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុ ធ្វើការចាប់ឃាត់ខ្លួនជាបន្តបន្ទាប់ ពាក់ព័ន្ធការប្រើប្រាស់ និងជួញដូរចែកចាយគ្រឿងញៀន។ ហេតុការណ៍ចាប់ខ្លួននេះ បានធ្វើឡើង នៅយប់រំលងអធ្រាត្រឆ្លងចូលថ្ងៃទី៣១ ខែឧសភា ឆ្នាំ២០១៨ នៅភូមិកោះតូច សង្កាត់ កោះរ៉ុង ក្រុងព្រះសីហនុ។
សមត្ថកិច្ចប៉ូលិស បានឲ្យដឹងថា ជនជាប់សង្ស័យដែលចាប់ខ្លួនខាងលើមាន ឈ្មោះទី១ ឈ្មោះ . ធន់ ឧត្តម ភេទប្រុស អាយុ៣២ឆ្នាំ ។ ទី២-ឈ្មោះ អាន ឌីណា ភេទប្រុស អាយុ២២ឆ្នាំ , និងទី៣-ឈ្មោះ ឌី សុចិត្រា ភេទប្រុស អាយុ២៩ឆ្នាំ )។ ជនសង្ស័យទាំង៣នាក់ បម្រើការងារតាមហាងជនបរទេស នៅភូមិកោះតូច សង្កាត់កោះរ៉ុង ក្រុងព្រះសីហនុ។ ក្នុងការឃាត់ខ្លួននេះ សមត្ថកិច្ចបានដកហូត វត្ថុតាងជា ម្សៅក្រាមពណ៌សថ្លា(ហៅម៉ាទឹកកក)មួយចំនួន និងទូរស័ព្ទដៃ២គ្រឿង។
ពាក់ព័ន្ធ ជនជាប់សង្ស័យទាំងបីនាក់ខាងលើនេះ បើតាមប្រជាពលរដ្ឋ រស់នៅតំបន់កោះរ៉ុង បាន ប្រាប់ឲ្យដឹងថា ជនបីនាក់នេះ រួមជាមួយបក្ខពួកមួយចំនួនទៀត មិនមែនទើបតែធ្វើសកម្មភាពជួញដូរចែកថ្នាំញៀន នៅលើកោះរ៉ុងនោះទេ គឺពួកគេរកស៊ីរបរបែបនេះយូរឆ្នាំ មកហើយ ដោយដើមឡើយពួកវានេះរកស៊ីជាមួយ នឹងជនបរទេស ដែលជាភ្ញៀវទេសចរ ហើយក្រោយមកសកម្មភាពនៃការចែកចាយនេះ បានបញ្ជ្រាបដល់ កូនចៅអ្នកស្រុក អ្នកភូមិតំបន់កោះរ៉ុងយ៉ាងអនាធិបតេយ្យ ជាពិសេស កម្មករ ទូក នេសាទ។
ជាមួយនឹងការចាប់ខ្លួន ជនជាប់សង្ស័យខាងលើនេះ ប្រជាពលរដ្ឋ តំបន់ កោះរ៉ុង បានសម្តែង ការត្រេកអរយ៉ាងខ្លាំង ហើយសង្ឃឹមថា សមត្ថកិច្ចប៉ូលិស ក៏ដូច សមត្ថកិច្ចប៉េអឹម ធ្វើកិច្ចការនេះ បន្តទៀត ចាប់ជនជួញដូរថ្នាំញៀនឲ្យអស់ដើម្បី សុវត្ថិភាពសន្តិសុខសង្គមជាតិ ពីព្រោះ នៅមានបក្ខពួករបស់ពួកវា ច្រើន នាក់ទៀតដែលមិនទាន់ត្រូវបានចាប់ខ្លួន។
បច្ចុប្បន្ន ជនជាប់សង្ស័យ ត្រូវបាន សមត្ថកិច្ច កសាងសំណុំរឿងបញ្ជូនខ្លួនទៅសាលាដំបូង ខេត្ត ព្រះសីហនុ ដើម្បីចាត់ការតាមផ្លូវច្បាប់រួចហើយកាលពីរសៀលថ្ងៃទី ៣១ខែឧសភា ឆ្នាំ២០១៨ ៕
Source: Kampuchea Thmey Daily
0 Comments