នៅ​សហរដ្ឋ​អាមេរិក ការ​ជក់បារី​មានការ​ធ្លាក់ចុះ​ជាថ្មី​ទៀតហើយ

គឺ​មាន​តែ​១៣.៩​ភាគរយ​នៃ​ពលរដ្ឋ​អា​មេ​រិ​កាំ​ង ប៉ុណ្ណោះ ដែល​ជក់បារី​។ នេះ​បើ​យោងតាម​របាយការណ៍​មួយ​របស់​រដ្ឋាភិបាល​ស​ហ​រដ្ឋអា​មេ​រិ​ក កាលពី​ថ្ងៃ​អង្គារ​ដែល​បាន​និយាយថា អត្រា​ជក់បារី​របស់​អា​មេ​រិ​កាំ​ង​ បាន​ធ្លាក់​ទៅដល់​កម្រិត​ដ៏​ទាប​បំផុត​មិនដែល​ធ្លាប់មាន ​ត្រូវបាន​ជាប់​កំណត់ត្រា​។​

ការរកឃើញ​ដោយ​មជ្ឈមណ្ឌល​ជាតិ​បង្ការ​និង​ទប់ស្កាត់​ជំងឺឆ្លង​សហរដ្ឋ​អា​មេ​រិ​ក USCDC គឺ​យោងទៅតាម​អត្រា​នៃ​មនុស្ស​ចាស់​ដែល​ជក់បារី​នៅ​ឆ្នាំ​២០១៧​។​



របាយការណ៍​របស់ CDC កាលពីមុន​ដោយ​ប្រើ​ទិន្នន័យ​ឆ្នាំ​២០១៦​បាន​រកឃើញថា មនុស្ស​ចាស់​ដែល​ជក់បារី​មាន​១៥.៥​ភាគរយ។ ​រយៈកាល​កន្លះ​សតវត្ស​កន្លងទៅ ​មាន​មនុស្ស​ចាស់​ជក់បារី​ដល់​ទៅ​ជាង​៤០​ភាគរយ​នៅ​សហរដ្ឋ​អា​មេ​រិ​ក​។​
​
ការព្រមាន​អំពី​សុខភាព​ប្រើ​រយៈពេល​ជាច្រើន​ទសវត្ស​បាន​ជំរុញ​ដល់​សាធារណជន​ឲ្យ​មានការ​ប្រុងប្រយ័ត្ន​ពី​ទម្លាប់​ដែល​នាំ​ឲ្យ​កើត​ញៀន​គឺអាច​បណ្តាល​ឲ្យ​កើត​មហារីក​សួត និង​មហារីក​ផ្សេងៗ​ទៀត​ដែល​នោះ​គឺជា​លទ្ធផល​នាំ​ឲ្យ​មានការ​ធ្លាក់ចុះ​ទម្លាប់​នៃ​ការជក់បារី​។​

​ ​ទោះជា​យ៉ាងណា​ក៏​ភាពខុស​ស្រឡះ​ពីគ្នា​យ៉ាង​ធំធេង​នៅតែមាន​ដោយសារ​មនុស្ស​រស់នៅ​តាម​តំបន់​ទីជនបទ​នៅតែ​ជក់បារី​ជាង​អ្នករស់នៅ​ក្នុង​ទីក្រុង​។ នេះ​ជាការ​លើកឡើង​នៅក្នុង​របាយការណ៍​ចុងក្រោយបង្អស់​ពី CDC ៕
អ​.​អេ​ហ្វ​.​ប៉េ​

 

Source: Kampuchea Thmey Daily