បន្ទាយមានជ័យ ៖ ក្មេងស្ទាវ១ក្រុមបាននាំគ្នាលួចជក់ និង លក់ថ្នាំញៀនយ៉ាងសកម្មនៅក្រុងប៉ោយប៉ែតត្រូវបានកម្លាំងនគរបាលក្រុងប៉ោយប៉ែតឃាត់ខ្លួន និងបញ្ជូនទៅតុលាការនៅវេលាម៉ោង ១និង៤០នាទី ថ្ងៃទី១៩ ខែមិថុនា ឆ្នាំ២០១៨ នៅចំណុចមណ្ឌល៩ ភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ទោ ធឹន ស៊ិនដេត អធិការនគរបាលក្រុងប៉ោយប៉ែតបានប្រាប់អ្នកយកព័ត៌មានឲ្យដឹងថា ក្រោយពីទទួលបានព័ត៌មានពីមេភូមិប្រជាធម្មកើតថា មានក្មេង១ក្រុមកំពុងលួចជក់ និងលក់គ្រឿងញៀន នៅចំណុចមណ្ឌល៩ លោកបានដឹកនាំកម្លាំងប៉ុស្តិ៍បានចុះទៅកាន់កន្លែងកើតហេតុធ្វើការឃាត់ខ្លួនជនសង្ស័យបានចំនួន៤នាក់ និងដកហូតវត្ថុតាងរួមមានម្សៅក្រាមពណ៌សថ្លា១ កញ្ចប់តូច ដែកកេះ ៤ កន្ត្រៃកាត់ ២ ឧបករណ៍ប្រើប្រាស់ចំនួន ២ និងថង់សម្រាប់ច្រកគ្រឿងញៀនមួយចំនួន។
លោកវរសេនីយ៍ទោ ធឹន ស៊ិនដេត បានបញ្ជាក់ឲ្យដឹងទៀតថា ជនសង្ស័យទាំង ៤នាក់១មានឈ្មោះ សាយ ដេវីត ភេទប្រុស អាយុ២២ឆ្នាំ ជាអ្នកលក់គ្រឿងញៀន២មានឈ្មោះ ណា ចំរើន ភេទប្រុស អាយុ១៦ឆ្នាំ ៣មានឈ្មោះ រ៉ាត់ សំណាងរាជ ភេទប្រុស អាយុ១៨ឆ្នាំ ៤មានឈ្មោះ ធា រិទ្ធី ភេទប្រុស អាយុ១៧ឆ្នាំ ជនខាងលើស្នាក់នៅមណ្ឌល៩ ភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ជនសង្ស័យទាំងអស់បាននាំខ្លួនមកប៉ុស្តិ៍ ដើម្បីសាកសួរ និងរៀបចំឯកសារបញ្ជូន បន្តទៅស្នងការខេត្តដើម្បីធ្វើនីតិវិធីបន្តនិងបញ្ជូនទៅតុលាការដើម្បីដាក់ទោសទៅតាមផ្លូវច្បាប់ផងដែរ៕
Source: Kampuchea Thmey Daily
0 Comments