ក្តៅៗ! នារីស្រស់ស្អាតម្នាក់ ប្រកាសព្រមានប្តឹងលោក តាន់ គឹមសួរ

Cambodia News June 02, 2018

ភ្នំពេញ ៖ លោកតាន់ គឹមសួរ ដែលត្រូវបានមហាជនគ្រប់គ្នាស្គាល់តាមរយៈការផលិតវីដេអូខ្លីក្នុងន័យពញ្ញាក់អារម្មណ៍ទស្សនិកជន មុននេះបន្តិច ត្រូវបាននារីរូបស្រស់ម្នាក់ ចេញមុខប្រកាសព្រមានប្ដឹងជាសាធារណៈលើករណីទម្លាយអាត់សំឡេងដោយគ្មានការអនុញ្ញាត។

ផ្អែកតាមសម្រង់សម្តីរបស់នារីម្ចាស់Account Facebookឈ្មោះ ថៃ ស្រីនាង បានសរសេរថា តើខ្ញុំមានសិទ្ធិប្តឹងបងTan Kimsourនេះបានទេ? គាត់បានយកសំឡេងផ្ទាល់ខ្លួនរបស់ខ្ញុំទៅដាក់ចូលយូធូបដោយគ្មានការសុំអនុញ្ញាតពីខ្ញុំសោះ សូមបងប្អូនជួយអោយយោបល់បន្តិចមកព្រោះគាត់ជាតារាមានFriendច្រើនជាងខ្ញុំ គេច្បាស់ជាគាំទ្រគាត់ច្រើនជាងខ្ញុំ។

នារីម្ចាស់Account Facebookដដែលនេះបានបន្ថែមថា អញ្ចឹងតើខ្ញុំត្រូវធ្វើយ៉ាងណា...?ជួយស៊ែរអោយគាត់បានឃើញផងនិងសុំអោយលុបយូធូបនេះជាបន្ទាន់។ ប្រតិកម្មរបស់ស្រីស្អាតរូបនេះបានធ្វើឡើង ខណៈពេលដែលលោក តាន់ គឹមសួរ បានបញ្ចេញឃ្លីបសំឡេងនៃការសន្ទនាគ្នាពាក់ព័ន្ធនឹងរឿងអាសអាភាសមួយចំនួន។

ភ្ជាប់ជាមួយឃ្លីបនៃសំឡេងសន្ទនានោះ លោក តាន់ គឹមសួរ បានបញ្ជាក់ថា នេះជាការសន្ទនារវាងខ្ញុំនិងប្អូនស្រី ថៃ ស្រីនាង។ សង្ឃឹមថាក្រោយពេលដែលបង្ហោះវីដេអូនេះហើយ នឹងអាចធ្វើអោយអ្នកដែលតែងតែលក់តាមអនឡាញដោយប្រើវិធីសាស្ត្របែបនេះ នឹងបញ្ឈប់ព្រោះថានេះគឺជារូបភាពដែលទាក់ទាញអោយមានការស្រើបស្រាល ហើយក៏ជាចំណែកមួយដែលធ្វើអោយមានបទល្មើសរំលោភផងដែរ។

អ្នកផលិតវីដេអូខ្លីដែលតែងមានរឿងអាស្រូវរិះគន់មួយចំនួនលោកតាន់ គឹមសួរ បានសរសេរបញ្ជាក់ក្នុងនោះទៀតថា សូមចែករំលែកហើយសង្ឃឹមថាថ្ងៃណាមួយនឹង អាចជួបប្អូនស្រីតទល់គ្នាដើម្បីធ្វើការសន្ទនា។ តាមរយៈនេះក៏មានការបញ្ចេញផ្សេងគ្នាលើករណីនេះ ដោយខ្លះប្រកាសជំហរនៅខាងភាគីនារីម្ចាស់Account Facebookឈ្មោះ ថៃ ស្រីនាង ចំណែកខ្លះទៀតប្រកាន់ជំហរគាំទ្រលោក តាន់ គឹមសួរ៕