ភ្នំពេញ ៖ យោងតាមរបាយការណ៍ពីនាយកដ្ឋាន ចរាចរណ៍ និងសណ្តាប់ធ្នាប់ សាធារណៈ នៃអគ្គស្នងការដ្ឋាននគរបាលជាតិប្រាប់ឲ្យដឹងថា លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោក គិតចាប់វេលាម៉ោង ១៤ និង០០នាទី ថ្ងៃទី៣ ខែមិថុនា ឆ្នាំ២០១៨ ដល់វេលាម៉ោង ១៤ និង០០នាទី ថ្ងៃទី៤ ខែមិថុនា ឆ្នាំ២០១៨ មធ្យោបាយយានយន្តល្មើសសរុបចំនួន២០៨គ្រឿង អប់រំ ចំនួន ១២៩គ្រឿង និងពិន័យ ចំនួន ៧៩គ្រឿង។
សរុបលទ្ធផលយានយន្តល្មើសច្បាប់ចរាចរណ៍ រយៈពេល ៤ថ្ងៃ គិតចាប់ពីថ្ងៃទី១ ដល់ថ្ងៃទី៤ ខែមិថុនា ឆ្នាំ២០១៨ ចំនួន ១៤៥៩គ្រឿង អប់រំ ចំនួន ៥៤៤គ្រឿង និងពិន័យ ចំនួន ៩១៥គ្រឿង។ដោយឡែក លទ្ធផលត្រួតពិនិត្យ មួក និងកញ្ចក់ នៅក្នុងរាជធានីភ្នំពេញ រយៈពេល ៤ថ្ងៃ គិតចាប់ពីថ្ងៃទី១ ដល់ថ្ងៃទី៤ ខែមិថុនា ឆ្នាំ២០១៨ សរុបរួមចំនួន៥៦៩២គ្រឿង អប់រំ ចំនួន ២២៧គ្រឿង មធ្យោបាយពិន័យ ចំនួន ៧៧៤គ្រឿង ( មួក ៥៩៤គ្រឿង និងកញ្ចក់ ១៥១ ស្រវឹង ៨គ្រឿង និងយានផ្សេងៗ ២១គ្រឿង )។
លទ្ធផលត្រួតពិនិត្យល្បឿន រយៈពេល ៤ថ្ងៃ គិតចាប់ពីថ្ងៃទី១ ដល់ថ្ងៃទី៤ ខែមិថុនា ឆ្នាំ២០១៨ រកឃើញយានយន្តល្មើស ចំនួន ១៦៨គ្រឿង។ ចំណែក លទ្ធផល ត្រួតពិនិត្យអ្នកបើកបរមានជាតិ ស្រវឹង រយៈពេល ៤ថ្ងៃ គិតចាប់ពីថ្ងៃទី១ ដល់ថ្ងៃទី៤ ខែមិថុនា ឆ្នាំ២០១៨ រកឃើញយានយន្តល្មើស ចំនួន ១៤គ្រឿង អប់រំ ចំនួន ៦គ្រឿង និងមធ្យោបាយពិន័យ ចំនួន ៨គ្រឿង៕
Source: Kampuchea Thmey Daily
0 Comments