ភ្នំពេញ ៖ តារាសម្តែងអ្នកនាង ស៊ិន ឧត្តមផល្លា បានចេញមុខប្រតិកម្មលើករណីនៃការរិះគន់មួយចំនួន ដែលមានភាពឆ្គាំឆ្គង។ ម្យ៉ាងទៀតអ្នកនាង ស៊ិន ឧត្តមផល្លា ក៏បាននិយាយថា មនុស្សដែលមានភាពអំនួតលើសពីសមត្ថភាពគឺគ្មានវាសនាត្រូវផ្លាស់ប្តូរនោះឡើយ។
អ្នកនាង ស៊ិន ឧត្តមផល្លា បានរៀបរាប់ថា បើអ្នកបានថ្កុំថ្កើងរុងរឿង សូមកុំអំនួតមោទនភាពនឹងជីវិតរបស់ខ្លួនពេកអី ព្រោះលើលោកនេះមានមនុស្សច្រើនណាស់ដែលកំពុងរងទុក្ខវេទនា ព្រោះតែវាសនាត្រូវបានផ្លាស់ប្តូរ បូកផ្សំជាមួយ មានគំនិត ឬ មិនមានគំនិត ខ្លះមានគំនិតតែបែរជាអាចរលត់ទៅវិញតែមួយភ្លែតដោយសារគ្រោះធម្មជាតិ ឬក៏ដោយសារគ្រោះកម្មដែលមិនអាចមើលឃើញជាមុន។
តារាសម្តែងចាស់វស្សាអ្នកនាង ស៊ិន ឧត្តមផល្លា បើតាមការសង្កេតអំឡុងមួយរយៈក្រោយនេះចុងក្រោយនេះ បើទោះបីជានាងមានវ័យកាន់តែជ្រេបន្តិចមែន។ ប៉ុន្តែសភាពនៃការតុបតែងធ្វើខ្លួនគឺកាន់តែបញ្ចេញនិងសម្ញែងឲ្យឃើញពីភាពសិចស៊ីកាន់តែខ្លាំងឡើងជាលំដាប់។
ខណៈអាជីពសិល្បៈកំពុងចាប់ផ្តើមកម្រើកឡើងវិញផងនោះ តារាសម្តែងអ្នកនាង ស៊ិន ឧត្តមផល្លា ត្រូវបានគេដឹងថា នាងក៏ជាតារាស្រីរបស់ខ្មែរមួយដួង ដែលធ្លាប់លេចធ្លោតាមរយៈសមត្ថភាពសម្តែងមិនចាញ់តារាស្រីវ័យក្មេងឯទៀតប៉ុន្មានទេ។ ម្យ៉ាងទៀតបើនិយាយពីការតុបតែងខ្លួនគឺនាងក៏និយមស្លៀកពាក់សិចស៊ីបញ្ចេញសាច់ដើមទ្រូងនិងគល់ភ្លៅមិនធម្មតាប៉ុន្មានឡើយ។
ដ្បិតតែបែបនេះក៏ពិតមែន ប៉ុន្តែមុននេះបន្តិចអ្នកនាង ស៊ិន ឧត្តមផល្លា ក៏បានធ្វើឲ្យទស្សនិកជនមានការចាប់អារម្មណ៍ភ្ញាក់ផ្អើលជាថ្មីម្តងទៀតទៅលើការបញ្ចេញភាពសិចស៊ីគួរឲ្យស្មានមិនដល់នោះ គឺនៅត្រង់ថា ទោះបីជាពេលនេះតារាសម្តែង ស៊ិន ឧត្តមផល្លា អាយុរាងច្រើនហើយក៏ពិតមែនតែនាងនៅតែខំប្រឹងបង្អួតភាពសិចស៊ី កាន់តែខ្លាំងជាមុនទៀត។ ស្របពេលដែលមានតារាវ័យក្មេងមួយចំនួនហាក់មិនទាន់អាចប្រជែងសម្រស់ជាមួយនាងបានឡើយ។
សូមបញ្ជាក់ថា តារាសម្តែងអ្នកនាង ស៊ិន ឧត្តមផល្លា ក្រោយពេលចាប់ផ្តើមដាក់ខ្លួនចូលប្រឡូកក្នុងវិស័យសិល្បៈជាច្រើនឆ្នាំមកនេះឃើញថា នាងហាក់មានទីផ្សារសម្តែងខ្ពស់គ្រាន់បើ។មិនតែប៉ុណ្ណោះ បើមើលពីជីវភាពរស់នៅប្រឆ្នាំថ្ងៃរបស់នាងវិញក៏មានយីអ៊ុនខ្ពស់ផងដែរ ព្រោះថា រាល់ការប្រើប្រាស់សម្ភារៈ គឺនាងបានចំណាយលុយទិញសុទ្ធសឹងតែរបស់ ដែលមានតម្លៃថ្លៃៗមិនចាញ់តារាស្រីល្បីឯទៀតឡើយ៕
Source: Kampuchea Thmey Daily
0 Comments