កំពង់ចាម ៖ កំលោះឈាមរាវ ម្នាក់ ត្រូវបានអាណាព្យាបាលកុមារីរងគ្រោះ ចាប់ខ្លួន ជាក់ស្តែង ក្នុងខណៈជនសង្ស័យ បានធ្វើការរួមភេទជាមួយអនីតិជន និងប្រគល់ជូនសមត្ថកិច្ច ចាត់ការតាមផ្លូវច្បាប់។
សមត្ថកិច្ច បានអោយដឹងថា ហេតុការណ៍នេះ បានកើតទ្បើង នៅថ្ងៃទី០៥ ខែមិថុនា ឆ្នាំ២០១៨ វេលាម៉ោង២និង៣០នាទីរំលងអធ្រាត្រនៅចំណុច លើផ្ទះក្មេងស្រីរងគ្រោះ ស្ថិតក្នុង ភូមិខ្ពបតាងួន.ឃុំខ្ពបតាងួន. ស្រុកស្ទឹងត្រង់ ខេត្ត កំពង់ចាម។
សមត្ថកិច្ចបានបន្តថា ករណីនេះ បង្កទ្បើងដោយជនសង្ស័យឈ្មោះ អ៊ុង.ប៊ុន ភេទប្រុស អាយុ២០ឆ្នាំ មានទីលំនៅភូមិបឹងរៃ .ឃុំឬស្សីកែវ .ស្រុកព្រែកប្រសព្វ. ខេត្តក្រចេះ ដោយបានទ្បើងលើផ្ទះ កើតហេតុ រួមភេទជាមួយក្មេងស្រីឈ្មោះ លដ ជាអនីតិជននៅក្នុងបន្ទប់លើផ្ទះក្មេងស្រីរងគ្រោះ។
ប្រភពព័ត៌មាននៅកន្លែងកើតហេតុបានអោយដឹងថា ពេលនោះ ឪពុកក្មេងស្រីរងគ្រោះ និងក្រុមគ្រួសារ បានតាមទាន់ជាក់ស្តែង ក៏ចាប់ឃាត់ខ្លួនជនសង្ស័យយកមកប្រគល់ឲ្យកម្លាំងប៉ុស្តិ៍នគរបាលរដ្ឋបាលខ្ពបតាងួន។
បច្ចុប្បន្ន កម្លាំងជំនាញ កំពុងធ្វើការសាកសួរ និងចងក្រងសំណុំរឿងតាមនីតិវិធី៕
Source: Kampuchea Thmey Daily
0 Comments