ភ្នំពេញ ៖ លោក ញ៉ែម វ៉ាលី អនុប្រធានអចិន្ត្រៃយ៍ និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា កាលពីថ្ងៃទី៣១ ខែឧសភា ឆ្នាំ២០១៨ បានដឹកនាំមន្ត្រីក្រោមឱវាទជាច្រើនរូប ទទួលគណៈប្រតិភូគណៈកម្មាធិការមជ្ឈិមរណសិរ្សមាតុភូមិវៀតណាម ដឹកនាំដោយលោក ហៅ អាឡេញ (Hau A Lenh) សមាជិកគណៈកម្មាធិការមជ្ឈិមបក្សកុម្មុយនីស្តវៀតណាម អនុប្រធាន និងគណៈកម្មាធិការរណសិរ្សមាតុភូមិវៀតណាម ដែលបានមកបំពេញទស្សនកិច្ចការងារនៅព្រះរាជាណាចក្រកកម្ពុជា ចាប់ ពីថ្ងៃទី៣១ ខែឧសភា ដល់ថ្ងៃទី៣១ ខែមិថុនា ឆ្នាំ២០១៨។
នៅក្នុងជំនួបសំណេះសំណាល នាពេលអញ្ជើញមកដល់នៅអាកាសយានដ្ឋានអន្តរជាតិភ្នំពេញ លោក ញ៉ែម វ៉ាលី និងមន្ត្រីក្រោមឱវាទបានទទួលស្វាគមន៍ យ៉ាងរាក់ទាក់បំផុតចំពោះទស្សនកិច្ចផ្លូវការមកកម្ពុជា ដើម្បីសហប្រតិបត្តិការ និងរឹតចំណងសាមគ្គីភាព រវាងប្រទេសទាំងពីរ ហើយនៅក្នុងជំនួបនោះ លោក ហៅ អាឡេញ បានបញ្ជាក់ពីគោលបំណងសំខាន់ៗចំពោះប្រតិបត្តិការរវាងប្រទេសជាមិត្ត ហើយលោក ញ៉ែម វ៉ាលី ក៏បានស្វាគមន៍ និងបានប្តេជ្ញាដោះស្រាយបញ្ហាផ្សេងៗរវាងប្រទេសទាំងពីរ ឲ្យឆាប់រួចរាល់នាពេលខាងមុខនេះ៕
Source: Kampuchea Thmey Daily
0 Comments