សៀមរាប ៖ ស្ត្រីរូបស្រស់សោភាវ័យ២២ឆ្នាំ បានចងកសម្លាប់ខ្លួនឯងចោលក្រុមគ្រួសារនៅផ្ទះរបស់ខ្លួន ដោយសារតែខឹងប្តីញៀនថ្នាំ និងញៀនល្បែងនិយាយមិនស្តាប់។
ហេតុការណ៍បង្កការភ្ញាក់ផ្អើលនេះ កើតឡើងនៅវេលាម៉ោង១៧និង៣០នាទី ថ្ងៃទី០៣ ខែមិថុនា ឆ្នាំ២០១៨ ស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
សមត្ថកិច្ចមូលដ្ឋានបានឲ្យដឹងថា ករណីធ្វើអត្តឃាត (ចងក)នេះ ជនរងគ្រោះឈ្មោះ គឹម លក្ស្មី ភេទស្រី អាយុ២២ ឆ្នាំ មុខរបរ លក់ដូរ មានទីលំនៅភូមិកើតហេតុខាងលើ។ សមត្ថកិច្ចបន្តថា មូលហេតុតាមការសាកសួរក្រុមគ្រួសារទៅថា ខឹងប្តីលេងល្បែង ហាមមិនស្តាប់។
បន្ទាប់ពីសមត្ថកិច្ចជំនាញធ្វើការត្រួតពិនិត្យសពរួច ក៏បានប្រគល់ឲ្យសាច់ញាតិយកទៅធ្វើបុណ្យតាមប្រពៃណី។ ចំណែកឪពុករបស់សព បានបញ្ចេញនូវសារតាមហ្វេសប៊ុកថា «ការសា្លប់របស់កូនស្រីខ្ញុំ ឈឺចាប់ដោយសារបានប្តីចំជាអ្នកញៀនថ្នាំ កែមិនឡើង ចុងក្រោយកូនខ្ញុំសម្រេចចិត្តបញ្ចប់ជីវិតដោយខ្លួនឯង។ សូមកូនទៅកាន់ឋានសុខ ជាតិក្រោយសូមជួបមនុស្សល្អ មនុស្សមានសមត្ថភាព និងមានចិត្តធម៌ សម្រាប់ជីវិតកូន»៕
Source: Kampuchea Thmey Daily
0 Comments