សៀមរាប ៖ លោកវរសេនីយ៍ឯក ជី បេងជន អធិការនគរបាលស្រុកក្រឡាញ់ បានឲ្យដឹងនៅមុននេះបន្តិចថា មានករណីគ្រោះថ្នាក់ចរាចរណ៍មួយ បានកើតឡើង ដោយសាររថយន្តចំនួន៣គ្រឿងបានបុកបន្តកន្ទុយគ្នាពេញទំហឹងជាមួយរថយន្តដឹកជ្រូកបណ្ដាលឲ្យមនុស្សរបួសធ្ងន់ និងស្រាលបឋមចំនួន៣នាក់ កំពុងត្រូវបានសមត្ថកិច្ចដឹកទៅពេទ្យនៅកន្លែងផ្សេងៗគ្នា។
ហេតុការណ៍ បង្កការភ្ញាក់ផ្អើលនេះដែរ បានកើតឡើងនៅវេលាម៉ោង១៥និង០០នាទី ថ្ងៃទី១៧ខែមិថុនា ឆ្នាំ២០១៨ ក្នុងភូមិត្រពាំងច្រាំង ឃុំក្រឡាញ់ ស្រុកក្រឡាញ់ ខេត្តសៀមរាប។
លោកវរសេនីយ៍ឯក ជី បេងជន អធិការនគរបាលស្រុកក្រឡាញ់ បានបន្តថា មានរថយន្តចំនួន៣គ្រឿងបុកបន្តកន្ទុយគ្នាជាមួយរថយន្ត ដឹកជ្រូក។ រថយន្តទីមួយម៉ាកកាមរីឆ្លាម ទី២ម៉ាកលុចស៊ីសRX330 ទី៣ម៉ាកហាយឡែនឌ័រ និងទី៤រថយន្តកូរ៉េដឹកជ្រូក។ ព័ត៌មានលម្អិតសមត្ថកិច្ច នឹងប្រាប់បន្ថែមទៀត៕
Source: Kampuchea Thmey Daily
0 Comments