វ៉ាក់សាំង​បង្ការ​ជំងឺ​ផ្ដាសាយ​៤​ប្រភេទ​ លើកដំបូង​របស់​ចិន ត្រូវបាន​អនុម័ត

​និយតករ​ឱសថ​រប​ស់​ប្រទេស​ចិន បានអនុម័ត​យល់ព្រម​ឲ្យ​ប្រើប្រាស់​វ៉ា​ក់​សាំង​ជា​លើកដំបូង​របស់​ប្រទេស​ដែល​អាច​ការពារ​មនុស្ស​ពី​ជំងឺ​ផ្តាសាយ​បង្កដោយ​វីរុស​៤​ប្រភេទ​។ វ៉ាក់​សាំង​ដែល​ហោ​ថា The Four Strain Vaccine បន្ថែម​ទាំង​ការពារ​បាន​ប្រឆាំង​នwង​ផ្តាសាយ The Yamagata Lineage of Influenza B ដែល​បង្កដោយ​វីរុស​កើតមាន​កាលពី​រដូវ​ផ្តាសាយ​កន្លងមកនេះ បើ​យោងតាម​ការ​ឲ្យ​ដឹង​ពី​ស្ថាប័ន​រដ្ឋបាល​ឱសថ The National Drug Administration of China ។



ក្រុមហ៊ុន​ក្នុងស្រុក​ចំនួន​២​ក្រុមហ៊ុន​គឺ Hualan and Changsheng ជា​ផលិតករ​វ៉ាក់​សាំង​ដែល​ត្រូវបាន​អនុម័ត​យល់ព្រម​ដោយ​វ៉ាក់​សាំង​នេះ​អាច​ត្រូវបាន​យកទៅ​ប្រើ​ទាំង​ចំពោះ​មនុស្ស​ចាស់ និង​កុមារ អាយុ​៣​ឆ្នាំ​ឬ​ធំ​ជាង​នេះ​។

​ជំងឺ​ផ្តាសាយ H1N1 និង H3N2 of Influenza A ព្រមទាំង​ជំងឺ​ផ្តាសាយ Victoria and Yamagata Lineages of Influenza B សុទ្ធតែជា​ជំងឺ​ផ្តាសាយ​ទូទៅ​បង្កដោយ​វីរុស​ចំពោះ​មនុស្ស​។ រហូតមក​ទល់នឹង​ពេលនេះ ប្រទេស​ចិន​មានតែ​វ៉ា​ក់​សាំង​៣​ប្រភេទ តែប៉ុណ្ណោះ​នៅលើ​ទីផ្សារ​៕
ស៊ី​ន​ហួ

 

Source: Kampuchea Thmey Daily