ភ្នំពេញ ៖ កាលពីព្រឹកថ្ងៃសុក្រ ០៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០១ ខែមិថុនា ឆ្នាំ២០១៨ លោក នុត ពុធដារ៉ា ប្រធានគណបក្សខណ្ឌដង្កោ បានចុះជួបសំណេះសំណាលជាមួយសមាជិកគណបក្សប្រជាជនកម្ពុជា ខណ្ឌដង្កោ ដែលស្នាក់នៅតាមបូរី ស្ថិតនៅភូមិម័ល សង្កាត់ដង្កោ ចំនួនប្រមាណ១៥០នាក់។
លោកប្រធានគណបក្សខណ្ឌ បានធ្វើការផ្តាំផ្ញើការសាកសួរសុខទុក្ខពីសំណាក់ សម្តេចតេជោ ប្រធានគណបក្ស សម្តេចប្រធានកិត្តិយស និងថ្នាក់ដឹកនាំគ្រប់លំដាប់ថ្នាក់ជូនដល់បងប្អូនប្រជាពលរដ្ឋ ដែលជានិច្ចកាល មានតែគណបក្សប្រជាជនកម្ពុជាទេ ដែលតែងបានគិតគូរពីការលំបាករបស់បងប្អូនប្រជាពលរដ្ឋ ហើយជាគណបក្សតែមួយគត់ ដែលបានសង្គ្រោះប្រជាពលរដ្ឋពីរបបប្រល័យពូជសាសន៍ ខិតខំអភិវឌ្ឍប្រទេសជាតិពីចំណុចសូន្យ រហូតដល់មានការអភិវឌ្ឍន៍រីកចម្រើនលើគ្រប់វិស័យ ព្រមទាំងរក្សាបាននូវសុខសន្តិភាព ជូនបងប្អូនប្រជាពលរដ្ឋ និងនៅជាមួយបងប្អូនគ្រប់កាលៈទេសៈ។
នៅក្នុងពិធីនេះដែរ បងប្អូនសមាជិកគណបក្សភូមិម័លទាំងអស់ បានប្តេជ្ញា បោះឆ្នោតគាំទ្រគណបក្សប្រជាជនកម្ពុជា ដែលស្ថិតនៅលេខរៀងទី២០ និងបន្តគាំទ្រសម្តេចតេជោ ហ៊ុន សែន ជានាយករដ្ឋមន្ត្រី ដើម្បីសុខសន្តិភាព និងការអភិវឌ្ឍន៍បន្តទៅមុខទៀត៕
Source: Kampuchea Thmey Daily
0 Comments