ដេននី ក្វាន់ ៖ នៅលើលោកនេះ មនុស្សស្រីណាដែលថា មិនចង់ស្អាត?

Cambodia News June 18, 2018

ភ្នំពេញ ៖ បន្ទាប់ពីមានការរិះគន់ពីសំណាក់មហាជនលើការចំណាយលុយដើម្បីកែសម្ផស្សតារាស្រីកញ្ញា ដេននី ក្វាន់ បានរងនូវពាក្យរិះគន់មួយចំនួនពីមហាជន ខណៈមានមតិខ្លះបានចោទថា នាងស្អាតដោយសារជាតិគីមី។

កញ្ញា ដេននី ក្វាន់ បាននិយាយថា ខ្ញុំមិនដែលខ្លាចនឹងប្រាប់គេថា ខ្ញុំស្អាតដោយសារកែសម្ផស្សនោះទេ ហើយក៏អត់ខ្វល់ពីមនុស្សមួយចំនួនដែលរិះគន់ថា ខ្ញុំកែឡើងមុខដូចខ្មោច មុខដូចព្រះយូឡាយ..គីមីពេញខ្លួនរស់មិនបានយូរ តែក៏ចង់ប្រាប់ពួកគាត់វិញថាជីវិតមនុស្សមិនទៀងនោះទេ អ្នកខ្លះធម្មជាតិស្លាប់មុនគីមីក៏មានច្រើនដែរ ព្រោះជីវិតមនុស្សកើតមកគឺជៀសមិនផុតពីសេចក្តីស្លាប់ទេ...។

តារាសម្តែងកញ្ញា ដេននី ក្វាន់បន្តថា អញ្ចឹងហើយសូមកុំប្រមាថជីវិតខ្ញុំអី បើអ្នកបានកើតមកមានសម្រស់ធម្មជាតិស្រស់ស្អាតហើយ គួរតែអាណិតដល់ខ្ញុំដែលកើតមកមិនស្អាត ខំចំណាយលុយចំណាយពេលវេលា ជាពិសេសត្រូវឆ្លងកាត់មុខកាំបិតយ៉ាងឈឺចាប់ ដើម្បីអោយមានសម្រស់ស្រស់ស្អាតដូចស្រីដទៃទៀត។

ប្រភពខាងលើបាននិយាយបន្ថែមថា នៅលើលោកនេះមនុស្សស្រីណាដែលថាមិនចង់ស្អាត? ដូច្នេះបើអ្នកមានសម្រស់ស្រស់ស្អាតហើយសូមកុំដៀលអ្នកដទៃដែលមិនស្អាត!។ ជាមួយគ្នានៃការលើកឡើងដូច្នេះមានមហាជនជាមួយចំនួនបានលើកជាកម្លាំងចិត្តដល់តារាស្រីរូបស្រស់កញ្ញា ដេននី ក្វាន់ និងថែមទាំងនិយាយថា កុំខ្វល់នឹងពាក្យមនុស្ស ដែលខ្លះគេមិនពេញចិត្តចំពោះប្អូនសោះឡើយ៕