សមាជិកសភាហុល្លង់ កាលពីថ្ងៃអង្គារ បានយល់ព្រមលើសន្ធិសញ្ញាមួយ ដែលបានចុះហត្ថលេខារវាងប្រទេសហុល្លង់ និងអ៊ុយក្រែនដើម្បីកាត់ទោសតាមដែ លអាចធ្វើទៅបានចំពោះអ្នកដែលទទួលខុសត្រូវសម្រាប់ការធ្លាក់ជើងហោះហើរ MH17 ។
អតីតរដ្ឋមន្ត្រីយុត្តិធម៌ហុល្លង់លោក Stef Blok បានចុះហត្ថលេខាលើកិច្ចព្រមព្រៀងនេះជាមួយសមភាគីអ៊ុយក្រែនលោក Pavlo Petrenko កាលពីខែកក្កដាឆ្នាំមុន, បីឆ្នាំបន្ទាប់ពីយន្តហោះដឹកអ្នកដំណើររបស់ក្រុមហ៊ុនអាកាសចរណ៍ម៉ាឡេស៊ីត្រូវបានបាញ់ទម្លាក់នៅលើទឹកដីអ៊ុយក្រែនភាគខាងកើតដែលញាំញីដោយសង្គ្រាមដែលបានសម្លាប់មនុស្សទាំងអស់២៩៨នាក់។
ដោយត្រូវបានអនុម័តកាលពីថ្ងៃអង្គារ សន្ធិសញ្ញានេះបានកំណត់ថា ការចោទប្រកាន់ជនសង្ស័យនឹងប្រព្រឹត្តទៅនៅតុលាការហុល្លង់ដែលទំនងជានៅក្នុងទីក្រុងឡាអេ។
វាក៏អនុញ្ញាតឲ្យមានការកាត់ទោសតាមវីដេអូផងដែរ។ ទោសដាក់ពន្ធនាគារនឹងត្រូវបានអនុវត្តនៅក្នុងប្រទេសអ៊ុយក្រែនប្រសិនបើជនសង្ស័យដែលត្រូវបានផ្តន្ទាទោសមិនអាចធ្វើបត្យាប័នទៅប្រទេសហុល្លង់បាន។
លោក Blok បាននិយាយនៅពេលនោះថា សន្ធិសញ្ញានេះគឺជាជំហានដ៏សំខាន់មួយឆ្ពោះទៅរកការពិតនិងដាក់ជនសង្ស័យក្នុងការជំនុំជម្រះ។
ប្រទេសហុល្លង់និងអូស្ត្រាលីកាលពីខែមុនបានបន្ទោសដោយផ្ទាល់ចំពោះរុស្ស៊ី។ មីស៊ីល BUK ផលិតនៅប្រទេសរុស្ស៊ីបានវាយប្រហារយន្តហោះនោះខណៈពេលកំពុងស្ថិតក្នុងជើងហោះហើររវាងទីក្រុងអាំស្ទើដាំនិងគូឡាឡាំពួរកាលពីថ្ងៃទី១៧ខែកក្កដាឆ្នាំ២០១៤។
ថ្វីបើប្រទេសចំនួន៥ដូចជាអូស្ត្រាលី ប៊ែលហ្សិក ម៉ាឡេស៊ី ហុល្លង់និងអ៊ុយក្រែនកំពុងស៊ើបអង្កេតឧបទ្ទវហេតុនេះក៏ដោយប៉ុន្តែភាគច្រើននៃជនរងគ្រោះនៅលើយន្តហោះនោះគឺជាជនជាតិហុល្លង់។
រឿងនេះបានកើតឡើងបន្ទាប់ពីក្រុមអ្នកស៊ើបអង្កេតអន្តរជាតិបានសន្និដ្ឋានថា មីស៊ីល BUK គឺមកពីកងពលតូចរុស្ស៊ីមួយដែលមានមូលដ្ឋាននៅទីក្រុង Kursk ភាគនិរតី៕ AFP
[caption id="attachment_927938" align="aligncenter" width="700"]
[/caption]Source: Kampuchea Thmey Daily
0 Comments