វិបត្តិសារធាតុអាភៀន Opioids បានឆក់យកជីវិតមនុស្សដល់ទៅជិត៤.០០០នាក់ នៅប្រទេសកាណាដា កាលពីឆ្នាំកន្លងទៅ គឺដោយសារតែការប្រើលើសកម្រិតដូហ្សនៃថ្នាំបំបាត់ការឈឺចាប់ដ៏មានអានុភាព។ នេះជាការលើកឡើងពីទីភ្នាក់ងារសុខាភិបាលសាធារណៈកាលពីថ្ងៃអង្គារ ដោយព្រមានពីស្ថានភាពកំពុងតែអាក្រក់ថែមឡើង។
ចំនួនអ្នកស្លាប់មានដល់អត្រា៣៤ភាគរយលើសពីឆ្នាំមុន ដែលភាគច្រើននៃអ្នកស្លាប់ដោយសារការប្រើលើសកម្រិតដូហ្សពាក់ព័ន្ធនឹងបុរសភេទបុរសពី៣០ដល់៣៩ឆ្នាំដែលប្រើថ្នាំប្រភេទ Fentanyl ខុសច្បាប់បានមកពីអ្នកជួញដូរគ្រឿងញៀននៅតាមដងផ្លូវ។
ស្ទើរតែ៩០ភាគរយនៃចំនួនអ្នកស្លាប់៣.៩៨៧នាក់ ក្នុងឆ្នាំ២០១៧ នៅក្នុងចំណោម៣ខេត្តនៃប្រទេសគឺខេត្ត Alberta, British Columbia and Ontario ។
ថ្នាំប្រភេទ Fentanyl ត្រូវបានចាត់ទុកថាមានអានុភាពសារធាតុអាភៀន ពី៣០ដល់៥០ដងលើសពីគ្រឿងញៀនប្រភេទហេរ៉ូអ៊ីននិងលើសពី៥០ដល់១០០ដងលើសពីម័រហ្វីន (morphine) ទៅទៀត។ រដ្ឋមន្ត្រីសុខាភិបាលលោកស្រី Ginette Petipas Taylor បាននិយាយថា អត្រាយ៉ាងខ្ពស់នៃការចេញវេជ្ជបញ្ជាក៏ជាការរួមចំណែកនៃកត្តាក្នុងវិបត្តិនោះដែរ។
យោងតាមតួលេខរបស់ទីភ្នាក់ងារសុខាភិបាលសាធារណៈការចេញវេជ្ជបញ្ជាឲ្យប្រើថ្នាំប្រភេទ Opioids នេះបានធ្លាក់ចុះកាលពីឆ្នាំទៅមិញ ជាលើកទីមួយតាំងពីឆ្នាំ២០១២មក គឺមានតែ២១.៣លានដង៕
អា.អេហ្វ.ប៉េ
Source: Kampuchea Thmey Daily
0 Comments