អគ្គនាយកនៃអង្គការសុខភាពពិភពលោក WHO បាននិយាយកាលពីថ្ងៃចន្ទថា លោកជឿជាក់ចំពោះការបញ្ចប់ទៅក្នុងរយៈពេលដ៏ខ្លីនៃការកើតមានជំងឺអេបូឡា នៅក្នុងភាគពាយព្យនៃសាធារណរដ្ឋប្រជាធិបតេយ្យកុងហ្គោ ។ រយៈពេលកើតមានប្រមាណ២១ថ្ងៃ ជំងឺនេះបានបណ្តាលឲ្យមនុស្សស្លាប់អស់២៧នាក់ទៅហើយ កាលពីខែមុន។
កាលពីពេលថ្មីៗនេះលោកបានសរសេរលើ Twitter ថា វាស្ថិតនៅឆ្ងាយនៅឡើយទេ ក្នុងការប្រកាសពីជោគជ័យនៅក្នុងការប្រយុទ្ធប្រឆាំងនឹងជំងឺអេបូឡា។ ប៉ុន្តែមានសញ្ញាដែលបង្ហាញពីភាពវិជ្ជមាន ហើយយើងក៏កំពុងតែមានសុទិដ្ឋិនិយម។
ការអធិប្បាយរបស់លោកបានធ្វើឡើងបន្ទាប់ពី WHO ព្រមទាំងអង្គការមិនមែនរដ្ឋាភិបាល NGOs ចាប់តាំងពីថ្ងៃទី២១ ខែឧសភាមក បានជួយសាធារណរដ្ឋប្រជាធិបតេយ្យកុងហ្គោ ផ្តល់ភាពសាំនៃជំងឺ(វ៉ាក់សាំង)ដល់បុគ្គលិកបម្រើការងារជួរមុខ ដែលបានបង្ហាញឲ្យឃើញពីប្រសិទ្ធភាពនៅក្នុងការពិសោធន៍ ថ្វីបើនៅកំពុងរង់ចាំការអនុម័តពីនិយតកម្មក៏ដោយនោះ។
សរុបទៅមានមនុស្ស១.៣៦៩នាក់ហើយដែលបានទទួលវ៉ាក់សាំងស្ថិតនៅក្នុងការពិសោធន៍ចាប់តាំងពីថ្ងៃទី២១ ខែឧសភា។ នេះជាការលើកឡើងពីក្រសួងសុខាភិបាលនៃប្រទេសនេះកាលពីល្ងាចថ្ងៃពុធ។
កាលពីថ្ងៃព្រហស្បតិ៍ អង្គការ WHO បានផ្តល់ចំនួនសរុបមាន៥៩នាក់ដែលត្រូវបានអះអាងតាមស្មានប្រហែលជាកើតអេបូឡា និងករណីដែលជាប់ការសង្ស័យថា ឆ្លងអេបូឡា។ ក្នុងចំនួននោះ គឺមានមនុស្ស២៧នាក់ហើយបានស្លាប់រួមជាមួយករណីថ្មីមួយទៀតត្រូវបានអះអាងកាលពីថ្ងៃទី៦ ខែមិថុនា៕
អា.អេហ្វ.ប៉េ
Source: Kampuchea Thmey Daily
0 Comments