ប្រមុខនៃអង្គការសុខភាពពិភពលោក WHO លោក Tedros Adhanom កាលពីថ្ងៃអង្គារ បានអំពាវនាវឲ្យមានការរឹតបន្តឹងតាមដាន ខណៈដែលលោកបានបញ្ចប់ការធ្វើទស្សនកិច្ចមួយនៅក្នុងប្រទេសនេះ ដែលរងការប៉ះពាល់ដោយអេបូឡា នោះបានមានប្រសាសន៍ថា ករណីកើតមាននោះស្ថិតនៅមានតទៅទៀតនៅឡើយទេ បើទោះជាចំនួនករណីស្ថិតនៅស្ថេរក្នុងរយៈពេលប៉ុន្មានសប្តាហ៍នេះក្តី។
ការកើតមាននេះគឺជាលើកទី៩ហើយ នៅក្នុងសាធារណរដ្ឋប្រជាធិបតេយ្យកុងហ្គោ តាំងពីឆ្នាំ១៩៧៦មក ដែលលើកនេះត្រូវបានអះអាងថាកើតមានកាលពីថ្ងៃទី៨ ខែឧសភា ហើយបានឆក់យកជីវិតមនុស្សអស់២៧នាក់ទៅហើយនោះ។
ការអធិប្បាយរបស់លោកកើតមានឡើងបន្ទាប់ពីអង្គការ WHO និងអង្គការមិនមែនរដ្ឋាភិបាល NGOs តាំងពីថ្ងៃទី២១ ខែឧសភា បានចាប់ផ្តើមជួយផ្តល់វ៉ាក់សាំងសាំនឹងជំងឺឲ្យដល់បុគ្គលិកដែលនៅខ្សែត្រៀមជួរមុខ ហើយបានបង្ហាញឲ្យឃើញពីប្រសិទ្ធភាពខ្ពស់ នៅក្នុងការពិសោធន៍ជាក់ស្តែង ថ្វីបើនៅកំពុងរង់ចាំទទួលការអនុម័តយល់ព្រមទៅតាមនិយ័តភាព។
ប្រមុខនៃអង្គការ WHO បាននិយាយថា មនុស្សជាង២.០០០នាក់ ត្រូវបានផ្តល់វ៉ាក់សាំងនៅក្នុងខេត្ត Equateur ដែលរងការប៉ះពាល់ចម្លងដោយវីរុសអេបូឡាស្ថិតនៅភាគពាយព្យប្រទេស៕
អា.អេហ្វ.ប៉េ
Source: Kampuchea Thmey Daily
0 Comments