លោកព្រំ ប៊ុណ្ណយី នាយបេសកកម្មកម្ពុជាសម្រាប់ព្រឹត្តិការណ៍10nd ASEAN School Ganesបានប្រាប់ឲ្យដឹងពីទីក្រុងគូឡាឡាំពួរប្រទេសម៉ាឡេស៊ី ដែលជាកន្លែងប្រារព្ធការប្រកួតកីឡាសិស្សអាស៊ានលើកទី១០មកថា កម្ពុជានៅមិនទាន់ដណ្ដើមបានមេដាយនៅឡើយទេ។
សម្រាប់ប្រភេទកីឡាវាយសីវិញ្ញាសាប្រកួតជាក្រុម កម្ពុជាបានចាញ់ទៅហើយ។ វាយសីនៅសល់តែវិញ្ញាសាវាយគូ និង ឯកត្តជនប៉ុណ្ណោះ។ ប្រភេទកីឡាអត្តពលកម្ម និងហែលទឹកកម្ពុជា បានត្រឹមតែវិះនឹងបានឈានទៅកាន់វគ្គផ្ដាច់ព្រ័ត្រតែប៉ុណ្ណោះ តែទោះជាយ៉ាងណាក៏លោកធ្វើការកត់សម្គាល់ថា គុណផលរបស់ពួកគេមានការប្រែប្រួលល្អជាងលើកមុន។ សម្រាប់ប្រភេទកីឡាវាយកូនឃ្លីលើតុពុំទាន់មានសេចក្ដីរាយការណ៍នៅឡើយទេ។
នេះជាលើកទី៣ហើយដែលកម្ពុជាចេញទៅប្រកួតកីឡាសិស្សអាស៊ីអាគ្នេយ៍ ។កម្ពុជាចេញទៅលើកដំបូងនៅឆ្នាំ២០១៦ក្នុងការប្រកួតលើកទី៨នៅខេត្តឈៀងម៉ៃ រាជាណាចក្រថៃដោយកម្ពុជាដណ្ដើមបានមេដាយសំរិទ្ធមួយគ្រឿង លើប្រភេទកីឡាវាយកូនឃ្លីលើតុ។ លើកទី២ឆ្នាំ២០១៧ក្នុងលការប្រកួតលើកទី៩នៅសិង្ហបូរីកម្ពុជាពុំបានមេដាយឡើយ។ សម្រាប់លើកទី១០នេះស្ថានភាពហាក់ដូចជាមិនសូវល្អសោះទោះបីក្រុមកម្ពុជាដែលចេញទៅប្រកួតសុទ្ធតែជាកីឡាជម្រើសជាតិថ្នាលក៏ពិតមែនក៏ដោយ៕
Source: Kampuchea Thmey Daily
0 Comments