ព្រះសីហនុ ៖ រយៈពេល២ថ្ងៃហើយ បើគិតចាប់ពីថ្ងៃរសៀលថ្ងៃទី១៩ រហូតមកដល់ ថ្ងៃ ទី២០ ខែកក្កដា ឆ្នាំ ២០១៨នេះ ជនរងគ្រោះជាជនជាតិចិនដែលបានបាត់នៅក្នុងទឹកសមុទ្រ ខណៈពេល ចុះលេងទឹក ក្នុងពេលមានខ្យល់និងរលកធំ នៅឆ្នេរអូរតែលសុខា ត្រង់ចំណុច កន្ទុយ នាគស្ថិតនៅក្នុង ភូមិលេខ ០៤ សង្កាត់លេខ០៤ ក្រុងព្រះសីហនុ រហូតមកដល់ ពេលនេះ នៅ មិនទាន់រកឃើញនៅឡើយទេ។
សមត្ថកិច្ចប៉ូលិស បានឲ្យដឹងថា ជនរងគ្រោះ ឈ្មោះLIU QIANG ភេទប្រុស ឆ្នាំកំណើត 01-04-1991។ កាន់លិខិតឆ្លងដែន លេខ E68478103 មានសុពលភាពថ្ងៃទី 22- 02-2026មុខ របរជា កម្មករសំណង់។
ពាក់ព័ន្ធទៅនឹងបញ្ហានេះ បើតាមការនិយាយរៀបរាប់ប្រាប់ឲ្យដឹងពីសំណាក់មិត្តភក្ដិ ជនរងគ្រោះបញ្ជាក់ថា នៅមុនពេលកើតហេតុ ខណៈមានខ្យល់ខ្លាំងៗ និងទឹករលកធំៗ ជនរងគ្រោះ និងមិត្តភក្ដិ ចំនួនប្រមាណ៤នាក់ទៀត ជាជនជាតិចិន និងជា កម្មករសំណង់ ដូចគ្នាបាននាំគ្នាចុះទៅងូតទឹកលេង ត្រង់ចំណុចកើតហេតុ លុះក្រោយមកក៏ស្រាប់តែបាត់ ជនរងគ្រោះ មិនឃើញឡើងមកលើគោកវិញ។ ពេលនោះ ក៏កើតមានភាពឆោឡោឡើង ដោ សារតែរកមិនឃើញជនរងគ្រោះ ចំណែកមិត្តភក្រ ដែលចុះងូតទឹកលេងជាមួយគ្នា ម្នាក់ ៗមិន ហ៊ាន ចុះទៅរកជនរងគ្រោះក្នុងទឹកសមុទ្រ នោះ ទេ ដោយសារតែទឹកសមុទ្រនាពេលនោះ មានខ្យល់បោកបកខ្លាំង និងទឹករលកធំៗ ពេក។ ក្រោយមកកម្លាំងនគរបាលប្រចាំការតំបន់ នោះ បានទំនាក់ទំនងជាមួយក្រុមម៉ូតូទឹកចំនួន០២គ្រឿងមាន បានរុករកទីតាំងដែលសង្ស័យ ថា ជនរងគ្រោះ លង់ទឹកនោះ អស់រយៈពេលជាច្រើនម៉ោងប៉ុន្តែរកមិនឃើញទេ ហើយសម្រាប់ ថ្ងៃទី២០នេះ ខែកក្កដា ២០១៨នេះ សមត្ថកិច្ច នៅតែបន្ត រុករក ជនរងគ្រោះផងដែរ ដោយមិនសង្ឃឹមថា ជនរងគ្រោះ នៅមានជីវិតនោះទេ។
គួររំលឹកផងដែរថា នៅតាមបណ្តោយឆ្នេរមួយចំនួន នាដើមឆ្នាំនេះ គឺទើបតែមានការ បាត់ខ្លួនជនជាតិចិនម្នាក់តែប៉ុណ្ណោះព្រោះកន្លងមកក្រុមសមត្ថកិច្ចបានជួយសង្គ្រោះបានទាន់ពេលជាច្រើនលើក ក្នុងករណីលង់ទឹកនេះ ខណៈ កាលពីឆ្នាំមុនមានមនុស្សបាត់បង់ជីវិត ដោយលង់ទឹកនេះ មិនក្រោម១០នាក់នោះទេ។ ដូចនេះបងប្អូនប្រជាពលរដ្ឋ និង ភ្ញៀវទេសចរ ដែលមកកម្សាន្តគួរតែមានការប្រុងប្រយ័ត្ននៅពេលចុះលេងទឹកម្តងៗនៅពេលមានរលកធំៗមិនត្រូវចុះងូតទឹកនោះទេ៕
Source: Kampuchea Thmey Daily
0 Comments