ភ្នំពេញ ៖ លោកសាន សុផាត ចៅក្រមសាលាដំបូងរាជធានីភ្នំពេញ នាព្រឹកថ្ងៃទី២៨ ខែកក្កដា ឆ្នាំ២០១៨នេះ បានចេញដីកាសម្រេចឃុំខ្លួនយុវជនម្នាក់ ដែលយករូបអាក្រាតសង្សារទៅចែកចាយអោយគេមើល ក្រោមការចោទប្រកាន់ពីបទរួមភេទជាមួយអនីតិជនអាយុក្រោម១៥ឆ្នាំ និងបទចែកចាយរូបភាពអាសអាភាស។
ជនជាប់ចោទឈ្មោះ ប៉ុន សុខពិសិដ្ឋ អាយុ១៦ឆ្នាំ ជាសិស្សរៀននៅសាលាអន្តរទ្វីបអាមេរិកកាំង ថ្នាក់ទី១១ EP ស្នាក់នៅផ្ទះលេខ៦៩៩G២ ផ្លូវលេខ១២៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
ជនត្រូវចោទនេះ ត្រូវបានអាណាព្យាបាលក្មេងស្រីរងគ្រោះនាំខ្លួនអោយសមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញកាលពីថ្ងៃទី២៣ ខែកក្កដា បន្ទាប់ពីមានការចែកចាយរូបភាពអាក្រាតកាយរបស់ជនរងគ្រោះ ជាមួយនឹងការគំរាមកំហែងពីសំណាក់ជនល្មើស។ ដូច្នេះនៅថ្ងៃទី២៧កក្កដានេះ ចៅក្រមស៊ើបសួរ នឹងសម្រេចអំពីជោគវាសនារបស់ជនជាប់ចោទ។ ចំណែកជនរងគ្រោះមានអាយុ១៤ឆ្នាំ ជាសិស្សរៀននៅសាលាឯកជនជាមួយនឹងជនជាប់ចោទដែរ។
ពាក់ព័ន្ធការចោទប្រកាន់យុវជនខាងលើនេះ ប្រភពព័ត៌មាននៅសាលាដំបូងរាជធានីបានឱ្យដឹងថា យុវជនឈ្មោះ ប៉ុន សុខពិសិដ្ឋ បានស្គាល់សិស្សស្រីម្នាក់ ដែលរៀនសាលាជាមួយគ្នា តាំងពីខែតុលា ឆ្នាំ២០១៧ ដោយពួកគេបានចាត់ទុកគ្នាជាសង្សារ និងបានដើរលេងជាមួយគ្នាញឹកញាប់។ រហូតដល់ខែមីនា ឆ្នាំ២០១៨ ជនសង្ស័យបានបបួលមិត្តស្រីទៅមើលកុនរោងខ្នាតតូចឈ្មោះមូវីអេនឈីល នៅជិតផ្សារ៧មករា ខណ្ឌទួលគោក។
នៅក្នុងរោងកុនតូចចង្អៀតមួយនោះ មានសភាពងងឹតឈឹង និង ស្ងាត់ស្ងៀមទៀតផង ឆ្លៀតឱកាសល្អយុវជនឈ្មោះ ប៉ុន សុខពិសិដ្ឋ និង សង្សារ បានបបួលគ្នារួមភេទលេងៗ យកបទពិសោធន៍ រួមគ្នាទាន់ខ្លួននៅក្មេង។
បន្ទាប់ពីបទពិសោធន៍លើកទី១បានជោគជ័យហើយ ពួកគេក៏តែងបបួលគ្នាទៅសាងភាពផ្អែមល្ហែមខុសច្បាប់នេះជាបន្តបន្ទាប់អាចរាប់ថាជារឿងសាមញ្ញទៅហើយ ។
លុះក្រោយមក ខាងស្រីដូចជាដឹងខ្លួនខុស ក៏បានប្រកែក និងខាងប្រុសមិនទៅរួមភេទទៀត ធ្វើអោយភាគីខាងប្រុសមិនអស់អាល័យពីរបស់ឆ្ងាញ់ ក៏សុំឲ្យសង្សារជាទីស្រឡាញ់ ថតរូបអាក្រាតកាយផ្ញើមកឲ្យគេបានមើលផង បើមិនដូច្នោះទេគេពិតជាដេកមិនលក់បក់មិនល្ហើយឡើយ។ពេលនោះនារីជាសង្សារ ក៏បានយល់ព្រមថតរូបខ្លួនឯងអាក្រាតកាយ ហើយផ្ញើមកឲ្យសង្សារមើលកម្សាន្តភ្នែកតាមសំណូមពរ។
រឿងវាមិនស្ងប់ស្ងាត់ដូច្នឹងទេ ក្រោយពីបានរូបថតអាក្រាតដល់ដៃហើយ ជនកំហូចនេះចេះតែអន្ទងណាត់ជួប និង នាំឡើងឋានសួគ៌លោកីយ៍ទៀត។ តែដោយនាងគិតថា ទង្វើនេះពិតជាការចាញ់បោកប្រុសព្រាន នាងក៏ឈប់ធ្វើតាមអ្វីដែលជនកំហូចបានសាង។
ពេលនោះជនកំហូចចាប់ផ្ដើមគំរាមកំហែងរឿងយករូបអាក្រាតរបស់ជនរងគ្រោះទៅចែកចាយអោយគេឯងបានឃើញ ក្រោយមករូបអាក្រាតនោះ ក៏ត្រូវគេចែកចាយអញ្ចឹងមែនអញ្ចឹងទៅ ទើបអាណាព្យាបាលក្មេងស្រីរងគ្រោះប្ដឹងអោយសមត្ថកិច្ចចាប់ខ្លួនជនកំហូចនេះតែម្ដង។ ឥឡូវចៅក្រមតុលាការបានសម្រេចឃុំខ្លួនយុវជនជាប់ចោទនេះហើយដើម្បីរង់ចាំការសើបអង្កេតបន្តនៅពេលក្រោយ៕
Source: Kampuchea Thmey Daily
0 Comments