ពោធិ៍សាត់ ៖ លោក រ៉ូហ្វី អូស្មាន តំណាង លោក អូស្មាន ហាស្សាន់ និងជាបេក្ខជនតំណាងរាស្ត្រមណ្ឌលខេត្តពោធិ៍សាត់ និងលោក គង់ វុទ្ធី ប្រធានក្រុមការងារថ្នាក់កណ្តាលចុះជួយឃុំកញ្ជរ ស្រុកកណ្ដៀង ខេត្ដពោធិ៍សាត់ បានបន្ដចុះបើកយុទ្ធនាការ ឃោសនារកសំឡេងគាំទ្រ ពីមហាជន នៅភូមិទួលទទឹង ឃុំកញ្ជរ ខេត្តពោធិ៍សាត់ដោយផ្តាំឲ្យទៅបោះឆ្នោតទាំងអស់គ្នានាថ្ងៃទី២៩កក្កដាខាងមុខនេះដោយគូសចំលេខរៀងទី២០។ ការអំពាវនាវនេះ ធ្វើឡើងនៅពីថ្ងៃច័ន្ទ១១ ខែទុតិយាសាឍ ឆ្នាំចសំរឹទ្ធិស័កព.ស២៥៦២ត្រូវនឹងថ្ងៃ២៣ កក្កដា ឆ្នាំ២០១៨។
នៅក្នុងឱកាសនោះលោក រ៉ូហ្វី អូស្មាន បានបង្ហាញ អំពីសមិទ្ធផលនានា ដែលរាជរដ្ឋាភិបាលសម្រេចបានក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី។ លោកបន្តថា មានតែគណបក្ស ប្រជាជនកម្ពុជាមួយគត់ ដែលមានគោលនយោបាយដឹកនាំដ៏ត្រឹមត្រូវ ពិសេសសម្តេចតេជោហ៊ុន សែន ជានាយករដ្ឋមន្ត្រី និងជាប្រធានគណបក្ស ប្រជាជនកម្ពុជា បានសាងគុណបំណាច់គ្រប់បែបយ៉ាង តាមរយៈបម្រើប្រជាពលរដ្ឋគ្រប់កាលៈទេសៈ ព្រមទាំងបានកសាង អភិវឌ្ឍន៍ រួមសុខរួមទុក្ខ ជាមួយប្រជា ពលរដ្ឋ កសាងការពារសន្តិភាព ជូនប្រជាជាតិ។
ដើម្បីរក្សាបានសុខសន្តិភាព ស្ថេរភាពនយោបាយ និងការអភិវឌ្ឍ សូមបងប្អូនអញ្ជើញទៅបោះឆ្នោតជូនគណ បក្សប្រជាជនកម្ពុជា ដែលមានរូបសញ្ញាទេវតាបាចផ្កា លេខរៀងទី២០លើសន្លឹកឆ្នោត ហើយការបោះឆ្នោតមានតែមួយថ្ងៃគត់គឺថ្ងៃអាទិត្យទី២៩ ខែកក្កដា ឆ្នាំ២០១៨៕
Source: Kampuchea Thmey Daily
0 Comments