កំពង់ចាម ៖ គ្រាប់កាំភ្លើងផ្លោង ប្រភេទ ៦០មិល្លីម៉ែត្រ ចំនួន១គ្រាប់ កប់ក្នុងដីបន្សល់ទុកតាំងពីសម័យសង្គ្រាមក្នុងទសវត្សរ៍ទី៧០ ត្រូវបានគេប្រទះឃើញ នៅពេលដែលកម្មករមួយក្រុមកំពុងជីកដីដាក់លូ។
លោក ឈិន សារ៉ន នាយនគរបាលប៉ុស្តិ៍រដ្ឋបាល សង្កាត់សំបួរមាស ក្រុងកំពង់ចាម បានអោយដឹងថា នៅព្រឹកថ្ងៃទី២៧ ខែកក្កា ឆ្នាំ២០១៨ មានកម្មករមួយក្រុម បានជីកដី កាយ ដាក់លូ នៅចំណុច ប៉ុស្តិ៍ដែក ស្ថិតនៅ ភូមិនាងគង្ហីង សង្កាត់ សំបួរមាស ក្រុងកំពង់ចាម ខេត្តកំពង់ចាម ហើយបានប្រទះឃើញគ្រាប់ប្លោងមួយគ្រាប់ កប់នៅក្នុងដី ជាប្រភេទគ្រាប់ធុន៦០ មិល្លីម៉ែត្រ ជាគ្រាប់ដែលបន្សល់ទុកកាលពីសម័យសង្គ្រាមក្នុងទសវត្សរ៍ទី៧០។
លោក ឈិន សារ៉ន បានបន្តថា ភ្លាមនោះ លោកបាន ទំនាក់ទំនងរាយការណ៍ ជូនលោក អធិការនគរបាលក្រុងកំពង់ចាម និងការិយាល័យជំនាញ ដើម្បីសុំមន្ត្រី ជំនាញ របស់ស៊ីម៉ាក់ មកយក៕
Source: Kampuchea Thmey Daily
0 Comments