ភ្នំពេញ ៖ យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទបានឲ្យដឹងថា នៅឆមាសទី១ឆ្នាំ២០១៨នេះ កម្ពុជាទទួលបានប្រាក់ចំណូលពីវិស័យព្រៃឈើសរុបចំនួនជាង ៣លានដុល្លារអាមេរិក។
តាមរបាយការណ៍របស់ក្រសួងកសិកម្មដដែល បានបញ្ជាក់ឲ្យដឹងទៀតថា គិតចាប់ពីខែមករារហូតដល់ខែមិថុនា ឆ្នាំ២០១៨នេះ កម្ពុជាមានចំណូលពីថ្លៃសួយសារអនុផលព្រៃឈើសរុបចំនួន ១២,៥០០,៨២៩,៦៤២រៀលស្មើនឹងប្រមាណជាង៣ដុល្លារអាមេរិក និង៩០,២២៦.៤៥ដុល្លារអាមេរិក ដែលសរុបចំណូលទាំងអស់មានចំនួនជាង ៣.២១លានដុល្លារអាមេរិក។
របាយការណ៍ខាងលើបានបញ្ជាក់ទៀតថា រយៈពេល៦ខែឆ្នាំ២០១៨នេះ សំណុំរឿងបទល្មើសព្រៃឈើ សត្វព្រៃ និងកាប់រានដីព្រៃសរុបមានចំនួន៥៧៥ករណីត្រូវបានបង្ក្រាប ដោយពិន័យអន្តរការណ៍ចំនួន២៧៩ករ ណី និងបញ្ជូនទៅតុលាការមានចំនួន២៩៦ករណី។
ក្រៅពីវិស័យព្រៃឈើកម្ពុជានាំចេញផលនេសាទបានជិត៩ពាន់តោនផងដែរ នៅឆមាសទី១ឆ្នាំ២០១៨នេះ។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់និងនេសាទបានឲ្យដឹងទៀតថា កម្ពុជាបាននាំចេញផលនេសាទ សរុបចំនួន៨៦០០តោន នៅឆមាសទី១ក្នុងឆ្នាំ២០១៨។ ក្នុងនោះនាំចេញផលនេសាទស្រស់មានចំនួន៥.៣៨០តោន និងផលនេសាទកែច្នៃមាន ៣២២០តោន ដោយទទួលចំណូលបាន ៦២ ០.៤៥ ៣.៨ ៦៣រៀលស្មើនឹង ប្រមាណជាង១៥ម៉ឺនដុល្លារ)។
យោងតាមរបាយការណ៍របស់ក្រសួងកសិកម្ម ដដែលបានបញ្ជាក់ថា ការនាំចេញផលនេសាទទឹកសាបក្នុងរដូវនេសាទមានចំនួន ២៧.៦៨០តោន កើនឡើង១៨០តោន និងផលនេសាទសមុទ្រមាន ៥.៩៤០តោន កើនឡើង៧០តោន បើធៀបនឹងរយៈពេលដូចគ្នា នៅឆ្នាំ២០១៧។
ជាមួយគ្នានេះ បទល្មើសជលផលនៅក្នុងឆមាសទី១ឆ្នាំ២០១៨នេះ មានចំនួន១៤៤៧ករណី ក្នុងនោះបទល្មើសទឹកសាបមាន ១៣៦៩ករណី និងសមុទ្រមាន ៧៨ករណីត្រូវបានបង្ក្រាប៕
Source: Kampuchea Thmey Daily
0 Comments