ព្រៃវែង ៖ ក្មេងស្រីអាយុ៧ឆ្នាំម្នាក់ លង់ទឹកបឹងស្លាប់គួរឲ្យអាណោចអាធ័មជាទីបំផុត។ ហេតុការណ៍ខាងលើបានបង្កការភ្ញាក់ផ្អើលឡើងកាលពីថ្ងៃទី២៤ ខែកក្កដា ឆ្នាំ២០១៨ នៅចំណុចខាងជើងបឹងអន្លង់តូចស្ថិតក្នុងភូមិតាហ៊េល(ខ) ឃុំរាធ ស្រុកព្រះស្តេច ខេត្តព្រៃវែង វេលាម៉ោង១០និង៣០នាទី។
សមត្ថកិច្ចនៃអធិការដ្ឋាននគរបាលស្រុកព្រះស្តេចបានឲ្យដឹងថា ក្មេងស្រីរងគ្រោះខាងលើមានឈ្មោះរ៉ាត់ ដានី ភេទស្រី អាយុ៧ឆ្នាំ រស់នៅភូមិឃុំកើតហេតុខាងលើ។ ហើយមូលហេតុដែលបណ្តាលឲ្យក្មេងស្រីខាងលើលង់ទឹកស្លាប់នោះបើយោងតាមប្រភពពីប្រជាពលរដ្ឋដែលនៅជិតកន្លែងកើតហេតុបាននិយាយថា មុនពេលកើតហេតុ គឺជនរងគ្រោះបានដើររើសពងទានៅតាមប្រឡាយលុះដល់ចំណុចបឹងខាងលើទំនងជាក្មេងស្រីរងគ្រោះចុះលេងទឹកហើយ ទើបបណ្តាលឲ្យលង់ស្លាប់បែបនេះ។
ចំណែកឯឪពុកឈ្មោះអុល រ៉ាត់ អាយុ៣១ឆ្នាំ នឹងម្តាយឈ្មោះព្រិន ណន អាយុ៣៧ឆ្នាំ ហើយពេលដែលកូនទៅដើររើសពងទានោះ គឺពួកគាត់អត់បានដឹងនោះទេ គឺពួកគាត់កន្លែងតែរវល់ធ្វើការងារផ្ទះ។
ក្រោយពេលកើតហេតុ សមត្ថកិច្ចបានចុះដល់ចំណុចកើតហេតុនឹងធ្វើកោសល្យវិច័យឃើញថា កុមាររងគ្រោះពិតជាស្លាប់ដោយសារលង់ទឹកពិតប្រាកដមែន។ សព្វក្រោយពីពិនិត្យបានប្រគល់ឲ្យក្រុមគ្រួសារធ្វើបុណ្យតាមប្រពៃណី៕
Source: Kampuchea Thmey Daily
0 Comments