អ្នកប្រដាល់ជើងខ្លាំងរបស់កម្ពុជាផាន់ គ្រាន់ អ្នកប្រដាល់ក្លិបពុទ្ធសេរីវង្សកីឡា និងជាម្ចាស់ខ្សែក្រវាត់Barrley Black ទម្ងន់៦៣,៥០០គីឡូក្រាម ត្រូវគេផ្គូអោយជួបប្រកួតជាមួយថៃSen Khuom នៅរសៀលថ្ងៃអាទិត្យទី២២ ខែកក្កដា ឆ្នាំ២០១៨នេះ នៅសង្វៀនWurkzរបស់អាស៊ីអាគ្នេយ៍។
Sen Khuomនេះ កាលពីថ្ងៃទី០៨ ខែកក្កដាកន្លងទៅ គេបានវាយស្មើពិន្ទុ ជាមួយសេង ស្រឿន អ្នកប្រដាល់ក្លិបមហិទ្ធរិទ្ធតាដំបងដែក។ ទោះជាយ៉ាងណា សម្រាប់ជំនួបជាមួយផាន់ គ្រាន់លើកនេះ មិនដឹងថាSen Khuom អាចបានស្មើទៀតឬអត់នោះទេ ?។
យ៉ាងណា ផាន់ គ្រាន់ មិនអាចមើលស្រាល ឬ ធ្វេសប្រហែសនោះទេ ព្រោះ Sen Khuom អ្នកប្រដាល់ថៃរូបនេះ គឺមានស្នៀតប្រដាល់និងបច្ចេកទេសមិនជាអន់នោះឡើយ ។អ្នកប្រដាល់ថៃរូបនេះ មានកំនត់ត្រាប្រកួតចំនួន ៧៦លើក ឈ្នះ៦៤លើក ចាញ់១១លើក និងស្មើ០១លើក ។ រីឯ ប្រវត្តិប្រកួតរបស់ផាន់ គ្រាន់ វិញ គឺ ប្រកួត១១៧លើក ឈ្នះ៩៨លើក ចាញ់១៦លើកនិងស្មើ០៣លើក ។
ផាន់ គ្រាន់ មិនដឹងថា អាចយកឈ្នះKong Sayam បានឬអត់នោះទេ ?ព្រោះថា អ្នកប្រដាល់ថៃរូបនេះ គេមានផ្លែល្អ និងរឹងមាំណាស់ ។ ដូច្នេះ ចាំមើលរវាងផាន់ គ្រាន់ និង Sen Khuom ជួបគ្នាលើកដំបូងនេះ តើនរណាឈ្នះ ? ។
វ៉ាន វឿន គេត្រូវទទួលស្វាគមន៍ A Norn ដែលអ្នកប្រដាល់ថៃរូបនេះ ធ្លាប់មកប្រកួតនៅសង្វៀនSEATVនេះម្តងរួចមកហើយ កាលពីពេលកន្លងមក ដោយវាយចាញ់លាភ រដ្ឋាអ្នកប្រដាល់ក្លិបដីឡូតិ៍មានរិទ្ធខេត្តបាត់ដំបងដោយពិន្ទុ កាលពីថ្ងៃទី១៧មិថុនា២០១៨។
A Norn មានប្រវត្តិប្រកួតដល់ទៅ៦៧លើក ក្នុងនោះវាយឈ្នះ៥៨លើក ចាញ់០៧លើក និងស្មើ០២លើក ។ ចំណែកវ៉ាន វឿន គេមានកំនត់ត្រាប្រកួត៦៦លើក គឺឈ្នះ៥៣លើក ចាញ់១១លើក និងស្មើ០២លើក តែគេធ្លាប់វាយដៃគូប្រកួត អោយសន្លប់បាន១០លើក។
A Norn មិនដឹងថាអាចយកឈ្នះវ៉ាន វឿន បានឬអត់នោះទេ ព្រោះថាអ្នកប្រដាល់វ័យក្មេងរបស់កម្ពុជាវ៉ាន វឿន នេះ គេមានផ្លែជង្គង់ល្អណាស់ ដូច្នេះហើយមិនមាននរណាហ៊ានវាយតម្លៃឬសន្និដ្ឋានមុនថា វ៉ាន វឿន ចាញ់ A Norn នេះឡើយ ។ វ៉ាន វឿន ប្រកួតចុងក្រោយនេះ គេបានផ្តួលយកឈ្នះអ្នកប្រដាល់ថៃKhum Lek ដោយពិន្ទុ ។ ចាំមើល រវាងវ៉ាន់ វឿន និង A Norn តើអ្នកណាជាអ្នកឈ្នះ សម្រាប់ការជួបគ្នាលើកដំបូងនេះ ?។
វង្ស វិឆ័យ ជាអ្នកប្រដាល់ជើងខ្លាំងស្រករក្រោយក្លិបកងពលតូចទ័ពឆ័ត្រយោង៩១១ បានលេចមុខមកសាជាថ្មីម្តងទៀត ជួបជាមួយឈួន រិទ្ធ សមាគមកីឡាប្រដាល់ក្រសួងការពារជាតិ និងជាអតីតអ្នកប្រដាល់វាយក្នុងទ្រុង ក្រោយពីចាញ់ក្រោមកណ្តាប់ដៃឈួន រិទ្ធី ដោយពិន្ទុ កាលពីថ្ងៃទី០២មិថុនា២០១៨កន្លងទៅនេះ។
ឈួន រិទ្ធី ជាអ្នកប្រដាល់ម្នាក់ដែលមានថ្វីដៃល្អ វាយខ្លាំង ពិសេសកណ្តាប់ដៃនិងកែងរបស់គេ ។ ប៉ុន្តែជាមួយនឹងមានថ្វីដៃល្អ ឈួន រិទ្ធី មានចិត្តប្រដាល់តូចទៅវិញ ។
ទោះជាយ៉ាងណា ជួបប្រកួតជាមួយវង្ស វិឆ័យលើកនេះ ឈួន រិទ្ធី ក៏រឹតតែពិបាកក្នុងការសង្ឃឹមឈ្នះវិឆ័យដែរ ព្រោះថាវង្ស វិឆ័យ ជាអ្នកប្រដាល់ជើងខ្លាំងស្រករក្រោយ មានបទពិសោធន៍និងល្បិចកលខ្ពស់។ ប៉ុន្តែសម្រាប់ការជួបគ្នាសងសឹកឈួន រិទ្ធី នេះ មិនដឹងថាវង្ស វិឆ័យគេធ្វើបានសម្រេចឬអត់នោះទេ? ។ពួកគេពីរនាក់នេះ ប្រកួតគ្នាក្នុងប្រភេទទម្ងន់៧០គីឡូក្រាម។
គង់ វិរៈ អ្នកប្រដាល់ក្លិបយុវវាលស្បូវខណ្ឌច្បារអំពៅ ក៏នឹងឡើងសងសឹកអេលីត ភក្តី អ្នកប្រដាល់ស្រករក្រោយក្លិបឆ្មាសសែនសុខគុនខ្មែរ ។ពួកគេប្រកួតគ្នាក្នុងទម្ងន់៥១គីឡូក្រាម ។ កាលពីជួបគ្នាលើកមុន គង់ វិរៈ វាយចាញ់ ភក្តី ត្រឹមពិន្ទុប៉ុណ្ណោះ ។ចាំមើល គង់ វិរៈ អាចសងសឹកអេលីត ភក្តី បានឬអត់?៕
Source: Kampuchea Thmey Daily
0 Comments