សៀមរាប ៖ បុរសម្នាក់ចែវទូកទៅរាយមងទាំងស្រវឹងស្រាធ្លាក់ទឹកទន្លេបណ្តាលឲ្យលង់ទឹកស្លាប់បាត់ខ្លួនរយៈពេល២ថ្ងៃទើបរកឃើញវិញ។
ហេតុការណ៍ប្រទះឃើញសពនេះ កើតឡើងនៅវេលាម៉ោង ០៦និង៣០នាទីព្រឹក ថ្ងៃទី០៧ខែសីហា ឆ្នាំ២០១៨ នៅចំណុចដៃបឹងភេរ ក្នុងភូមិសាស្ត្រភូមិត្នោតកំបុត ឃុំកំពង់ភ្លុក ស្រុកប្រាសាទបាគង ខេត្តសៀមរាប។
សមត្ថកិច្ចស្រុកប្រាសាទបាគង បានឲ្យដឹងថា ករណីនេះមានប្រជាពលរដ្ឋបាន ប្រទះឃើញសាកសពមួយបានអណ្តែត នៅចំណុចដៃបឹងភេរ ក្នុងភូមិសាស្ត្រភូមិត្នោតកំបុត ឃុំកំពង់ភ្លុក ស្រុកប្រាសាទបាគង ខេត្តសៀមរាប។ ក្រោយការ ចុះត្រួតពិនិត្យនិង ធ្វើកោសល្យវិច័យ របស់សមត្ថកិច្ចជំនាញយើងបានសន្និដ្ឋានថា ជនរងគ្រោះស្លាប់ដោយ លង់ទឹក អាចមកពីស្រវឹងស្រា ហើយគាត់មករាយមង។
ប្រភពបន្តថា ជនរងគ្រោះបានបាត់ខ្លួនអស់រយៈពេល២ថ្ងៃមកហើយ។ ជនរងគ្រោះមានឈ្មោះ ឃុយ សុង ភេទប្រុស អាយុ៤៧ឆ្នាំ រស់នៅភូមិកំពង់ថ្កូវ ឃុំមានជ័យ ស្រុកប្រាសាទបាគង ខេត្តសៀមរាប។
បន្ទាប់ពីពិនិត្យរួចរាល់សមត្ថកិច្ចបានប្រគល់សពទៅឲ្យក្រុមគ្រួសារចាត់ចែងធ្វើបុណ្យតាមប្រពៃណី៕
Source: Kampuchea Thmey Daily
0 Comments