កំពង់ចាម ៖ លោក វេង សាខុន ប្រធានក្រុមការងារថ្នាក់ជាតិចុះជួយស្រុកកំពង់ សៀម រួមជាមួយលោក លោក លោកស្រីដែល ជាប្រធាន អនុប្រធាន និងសមាជិកក្រុមការងារថ្នាក់ជាតិ នៅ ថ្ងៃទី ០៧ ខែសីហា ឆ្នាំ២០១៨ បានអញ្ជើញមកជួបសំណេះសំណាលជាមួយពលរដ្ឋចំនួន ១២០០នាក់នៅឃុំកោះមិត្ត ភូមិកំពង់ត្រុំក្រោម ក្នុងបរិវេណវត្តកំពង់ត្រុំ ដើម្បី ថ្លែងអំណរគុណសមាជិក សមាជិកា និង ពលរដ្ឋដែលបានបោះឆ្នោតគាំទ្រគណបក្សប្រជាជនកម្ពុជាយ៉ាងច្រើនលើសលប់។
ក្រសួងបានឲ្យដឹងថា នៅក្នុងឱកាស ជួបសំណេះសំណាលជាមួយពលរដ្ឋចំនួន ១២០០នាក់ លោក វេង សាខុន ប្រធានក្រុមការងារថ្នាក់ជាតិចុះជួយស្រុកកំពង់ សៀម បាន មានប្រសាសន៍ដោយ បាន បំណងថ្លែងអំណរគុណសមាជិក សមាជិកា និងបងប្អូនប្រជាពលរដ្ឋដែលបានបោះឆ្នោតគាំទ្រគណបក្សប្រជាជនកម្ពុជាយ៉ាងច្រើនលើសលប់ ចំនួន ២៣៣៣នាក់ ក្នុងចំណោម ២៤២៦នាក់ ដែលបានទៅបោះឆ្នោត ប្រមាណជា៩០%។
លោក ប្រធាន បានថ្លែងបញ្ជាក់ថា លទ្ធផលយ៉ាងធំធេងនេះសរ បញ្ជាក់ឲ្យឃើញថា ១-ប្រជាជនត្រូវការសុខសន្តិភាព ស្ថិរភាពសង្គម សេដ្ឋកិច្ចរីកចម្រើន និងការអភិវឌ្ឍក្រោមការដឹកនាំរបស់រាជរដ្ឋាភិបាលដែល មានសម្តេចអគ្គមហាសេនាបតីតេជោហ៊ុន សែនជានាយករដ្ឋមន្ត្រី។ ២-មើលឃើញយ៉ាងច្បាស់ពីការដឹកនាំដ៏ប៉ិន ប្រសប់និងឈ្លាសវៃរបស់សម្តេចដែលបានរំដោះ ប្រទេសជាតិពីគ្រោះមហន្តរាយនៃសង្គ្រាមស៊ីវិលរ៉ាំរ៉ៃ មកជាប្រទេសវិវឌ្ឍន៍រីកចម្រើនទាំងសេដ្ឋកិច្ច វប្បធម៌ នយោបាយ ការទូត និងលទ្ធិប្រជាធិបតេយ្យ ស្នើមុខ ស្នើមាត់លើឆាក អន្តរជាតិ ពិសេសនៅក្នុងសហគមន៍អាស៊ាន។ ៣-សំឡេងគាំទ្រយ៉ាងច្រើនលើសលប់បង្ហាញពីឆន្ទៈមោះមុតរបស់ពលរដ្ឋដែលបានជ្រើសរើសផ្លូវប្រជាធិបតេយ្យតាមរយៈការប្រើប្រាស់សិទ្ធិជា ពលរដ្ឋដូចមានចែងក្នុងរដ្ឋធម្មនុញ្ញដែលជាច្បាប់កំពូលរបស់ប្រទេស។
ស្ថិតក្នុងបរិយាកាសសប្បាយរីករាយនៃជ័យជំនះដែលឃុំកោះមិត្តទទួលបាន លោក បានពាំនាំនូវការផ្តាំផ្ញើសាកសួរ សុខទុក្ខ ពីសម្តេចតេជោ និងសម្តេចកិត្តិព្រឹទ្ធិបណ្ឌិតដែល បានសម្តែងនូវក្តីកង្វល់គិតគូរពីទុក្ខលំបាក ដែលពលរដ្ឋបាននឹងកំពុងជួបប្រទះដោយសារគ្រោះទឹកជំនន់។
ទន្ទឹមនេះ លោក បានកោតសរសើរ វាយតម្លៃខ្ពស់ និងថ្លែងអំណរ គុណជាអនេកជូនចំពោះម្ចាស់សំឡេង ឆ្នោត ប្រធាន អនុប្រធាន សមាជិកក្រុមការងារចុះជួយឃុំ ភូមិ អាជ្ញាធរមូលដ្ឋាន កងកម្លាំងប្រដាប់អាវុធដែលបានខិតខំ ប្រឹងប្រែង និងលះបង់គ្រប់ បែបយ៉ាងទាំងមុននិងក្នុងអំឡុងពេលយុទ្ធនាការឃោសនាបោះឆ្នោតរហូតសម្រេចទទួលបានជ័យជំនះនាថ្ងៃនេះ។
ដើម្បីបន្តរក្សាជ័យជំនះនេះ លោកបានផ្តាំផ្ញើសមត្ថកិច្ចគ្រប់លំដាប់ថ្នាក់ សមាជិកក្រុមការងារថ្នាក់ជាតិចុះជួយស្រុក ឃុំ និងភូមិឲ្យបន្តអនុវត្តគោលនយោបាយរបស់រាជរដ្ឋាភិបាល ពិសេសប្រសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន ដែល បានលើកឡើងថា ១-ត្រូវបន្តចុះជួយពលរដ្ឋនៅមូលដ្ឋានឈរលើ ស្មារតីស្មោះ ត្រង់ ទទួលខុសត្រូវខ្ពស់ និងកាន់តែសកម្ម ទូលំទូលាយ និងមានប្រសិទ្ធភាពថែមទៀតដើម្បីជួយសម្រួលការលំបាកក្នុងជីវភាពប្រចាំថ្ងៃ ដោះស្រាយបញ្ហា តម្រូវការជាក់ស្តែងនិងចាំបាច់ជាបន្តបន្ទាប់តាមអាទិភាព និងលទ្ធភាពជូនពលរដ្ឋ។ ២-អាជ្ញាធរគ្រប់លំដាប់ថ្នាក់ត្រូវខិតខំ យកចិត្តទុក ដាក់អនុវត្តគោលនយោបាយទាំង០៩ ចំណុច របស់គណបក្សប្រជាជន ឲ្យបានល្អប្រសើរ។ ៣-បន្តអនុវត្តគោលនយោបាយភូមិឃុំមានសុវត្ថិភាពពង្រឹងប្រសិទ្ធភាពនៃការផ្តល់សេវា សាធារណៈគ្រប់បែប យ៉ាងជូនប្រជាពលរដ្ឋ ហើយសមាជិកក្រុមការងារថ្នាក់ជាតិត្រូវបន្តអនុវត្តគោលនយោបាយ ក៣ ដោយមិនត្រូវធ្វើការរើសអើង ប្រកាន់និន្នាការនយោបាយ លាបពណ៌ ចោទ ប្រកាន់គ្នា ដែលអាចឈានទៅបែកបាក់ សាមគ្គីជាតិយើង៕
Source: Kampuchea Thmey Daily
0 Comments