កណ្តាល ៖ ជនសង្ស័យចំនួន០៤នាក់ ត្រូវបាននគរបាលប៉ុស្តិ៍រដ្ឋបាលក្រុងតាខ្មៅ ដឹកនាំផ្ទាល់ពីលោកអនុសេនីយ៍ឯក ភឿង វ៉ាត មេប៉ុស្តិ៍បានចុះប្រតិបត្តិការ បង្ក្រាបបានភ្លាមៗ ខណៈក្រុមជនសង្ស័យទាំងនោះកំពុងប្រើប្រាស់ និងវេចខ្ចប់គ្រឿងញៀននៅក្នុងបន្ទប់ក្រោមផ្ទះ។
ហេតុការណ៍នេះ បានកើតឡើងនៅថ្ងៃទី២៧ សីហា ២០១៨ វេលាម៉ោង១២និង៣០នាទី នៅចំណុចបន្ទប់ក្រោមផ្ទះ ស្ថិតនៅភូមិថ្មី សង្កាត់តាខ្មៅ ក្រុងតាខ្មៅ។
លោកអនុសេនីយ៍ឯក ភឿង វ៉ាត មេប៉ុស្តិ៍តាខ្មៅ បានប្រាប់ភ្នាក់ងារប៉ុស្តិ៍ព័ត៌មានសន្តិភាពកម្ពុជាCPC Newsថា ជនសង្ស័យមានគ្នា០៤នាក់ ទី០១ឈ្មោះគ្រុយ លីហួរ ភេទប្រុស អាយុ១៨ឆ្នាំ មុខរបរចុងភៅ ទី០២ឈ្មោះហួត សំណាង ភេទប្រុស អាយុ៣៩ឆ្នាំ មុខរបររត់តុតុ ទី០៣ឈ្មោះ ហួត សុវណ្ណ ប្រុស អាយុ៤៣ឆ្នាំ មុខរបរមិនពិតប្រាកដ អ្នកទាំងបីមានទីលំនៅ ភូមិថ្មី សង្កាត់តាខ្មៅ ក្រុងតាខ្មៅ និងទី០៤ ឈ្មោះ ភាព នៃ ភេទប្រុស អាយុ៣០ឆ្នាំ មុខរបរសន្តិសុMPA មានទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ។
លោកមេប៉ុស្តិ៍បានឲ្យដឹងទៀតថា នៅមុនពេលកើតហេតុ ទទួលព័ត៌មានពីប្រជាពលរដ្ឋល្អថា ក្រុមជនសង្ស័យកំពុងប្រើប្រាស់ និងវេចខ្ចប់គ្រឿងញៀន កម្លាំងប៉ុស្តិ៍រដ្ឋបាល សហការជាមួយលោកមេភូមិ ធ្វើការចុះឆែកឆេរ និងឃាត់ខ្លួនជនសង្ស័យបាន០៤នាក់ ថ្នាំញៀន០៧កញ្ចប់ រួមនឹងវត្ថុតាងមួយចំនួនទៀត។
បច្ចុប្បន្នជនសង្ស័យ និងវត្ថុតាងបានបញ្ជូនទៅអធិការក្រុងតាខ្មៅ ដើម្បីធ្វើសាកសួរ និងចាត់ការតាមនីតិវិធីច្បាប់៕
Source: Kampuchea Thmey Daily
0 Comments