ភ្នំពេញ ៖ នៅវេលាម៉ោង១១ និង៣៥ នាទីព្រឹក ថ្ងៃទី២៩ ខែសីហា ឆ្នាំ២០១៨ នេះ គឺក្រោយពីជំនួបពិភាក្សារវាងលោកទេសរដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា ជាមួយលោកជំទាវ ស៊ុសម៉ា ស្វារ៉ាច (Shusma Swaraj) រដ្ឋមន្ត្រីការបរទេសឥណ្ឌា ក៏បានចុះហត្ថលេខាលើឯកសារមួយចំនួនផងដែរ។
តាមក្រសួងការបរទេសបានឲ្យដឹងថា ឯកសារចំនួន៣នោះ រួមមាន ទី១- កិច្ចព្រមព្រៀងរវាងរដ្ឋាភិបាលនៃសាធារណរដ្ឋឥណ្ឌា និងរាជរដ្ឋាភិបាលកម្ពុជា សម្រាប់ការអភិរក្ស/ជួសជុលប្រាសាទព្រះវិហារ នៅក្នុងស្រុកជាំក្សាន ខេត្តព្រះវិហារ ប្រទេសកម្ពុជា ទី២- អនុស្សរណៈនៃកិច្ចសហប្រតិបត្តិការរវាងក្រសួងសុខាភិបាល និងកិច្ចការគ្រួសារ នៃសាធារណរដ្ឋឥណ្ឌា និងក្រសួងសុខាភិបាលនៃព្រះរាជាណាចក្រកម្ពុជា ស្តីពីកិច្ចសហប្រតិបត្តិការលើវិស័យសុខភាព និងឱសថ និងទី៣- អនុស្សរណៈនៃការយោគយល់គ្នារវាងវិទ្យាស្ថានជាតិការទូត និងទំនាក់ទំនងអន្តរជាតិ នៃក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងវិទ្យាស្ថានការបរទេស នៃក្រសួងការបរទេស នៃសាធារណរដ្ឋឥណ្ឌា៕
Source: Kampuchea Thmey Daily
0 Comments