កណ្តាល ៖ ជនសង្ស័យ៤នាក់ ត្រូវបានសមត្ថកិច្ចនគរបាលក្រុងតាខ្មៅធ្វើការឃាត់ខ្លួនពាក់ព័ន្ធបទល្មើសជួញដូរគ្រឿងញៀន និង កាន់កាប់អាវុធខុសច្បាប់។
ប្រតិបត្តិការបង្ក្រាបនេះ ដឹកនាំដោយលោកវរសេនីយ៍ ស កែវពិសិដ្ឋ អធិការនគរបាលក្រុងតាខ្មៅបញ្ជាកម្លាំងជំនាញផ្នែកប្រឆាំងបទល្មើសគ្រឿងញៀន សហការជាមួយកម្លាំងប៉ុស្តិ៍រដ្ឋបាលតាខ្មៅ នៅថ្ងៃសុក្រ ៦កើតខែស្រាពរណ៍ ឆ្នាំច សំរឹទ្ធិស័ក ព.ស២៥៦២ ត្រូវថ្ងៃទី១៧ សីហាឆ្នាំ២០១៨ វេលាម៉ោង ១៦និង៣០ (ល្ងាច) នៅចំណុចស្ថិតនៅ ភូមិលេខ១ ឃុំស្វាយរលំ ស្រុកស្អាង ខេត្តកណ្តាល។
លោកវរសេនីយ៍ ស កែវពិសិដ្ឋ អធិការដ្ឋាននគរបាលក្រុងតាខ្មៅ បានឲ្យដឹងថា ជនសង្ស័យចំនួន០៤នាក់ ទី០១ឈ្មោះ សុន សាន់ ហៅក្រៅ អាក្របី ភេទប្រុស អាយុ១៣ឆ្នាំ មុខរបរមិនពិតប្រាកដ ស្រុកកំណើត នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទីលំនៅបច្ចុប្បន្ន នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទី០២ឈ្មោះ ខឿន ប្រុស ហៅក្រៅ ប្រុស ភេទប្រុស អាយុ ២១ឆ្នាំ មុខរបរមិនពិតប្រាក.ស្រុកកំណើត នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាលទីលំនៅបច្ចុប្បន្នភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទី០៣ឈ្មោះ សុន សាន្ត ហៅក្រៅ សាន្ត ភេទប្រុស អាយុ១៥ឆ្នាំ មុខរបរមិនពិតប្រាកដ ស្រុកកំណើត នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាលទីលំនៅបច្ចុប្បន្ន នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទី០៤ឈ្មោះ ធី កុសល ហៅក្រៅង៉ោ ភេទប្រុស អាយុ១៨ឆ្នាំ មុខរបរមិនពិតប្រាកដ ស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល។ ទីលំនៅបច្ចុប្បន្ននៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល។
លោកអធិការបានបញ្ជាក់ឲ្យដឹងថា នៅថ្ងៃខែឆ្នាំវេលាម៉ោងកើតហេតុខាងលើ កម្លាំងសមត្ថកិច្ចអធិការដ្ឋាននគរបាលក្រុងតាខ្មៅ សហការជាមួយប៉ុស្តិ៍តាខ្មៅដោយមានការរាយការណ៍ពីមហាជនល្អថា ក្រុមជនសង្ស័យកំពុងលក់ថ្នាំញៀនភ្លាមនោះ កម្លាំងសមត្ថកិច្ចក៏បានចុះទៅឆែកឆេរនៅផ្ទះជនសង្ស័យឈ្មោះ សុន សាន់ហៅក្របី នៅចំណុច ភូមិលេខ១ ឃុំស្វាយរលំ ស្រុកស្អាង ខេត្តកណ្តាល។ រកឃើញម្សៅក្រាមពណ៌សថ្លាសង្ស័យសារធាតុញៀន ចំនួន១២កញ្ចប់ (២ កញ្ចប់ធំ ១០ កញ្ចប់តូច ហើយនឹងកាំភ្លើងខ្លី១ដើម)ហើយក៏ឃាត់ខ្លួនបញ្ជូនមកអធិការក្រុងតាខ្មៅតែម្តង។
នៅចំពោះមុខសមត្ថកិច្ចនគរបាល ជនសង្ស័យឈ្មោះ សុន សាន់ បានឆ្លើយថា ថ្នាំញៀននេះជារបស់ខ្លួនដោយបានទិញពី ឈ្មោះស្វិត មានទីលំនៅស្ថិតនៅក្នុងភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល។ ចំពោះជនសង្ស័យរួមនឹងវត្ថុតាង ត្រូវបានបញ្ជូនមកអធិការដ្ឋាននគរបាលក្រុងតាខ្មៅដើម្បីសាកសួរបន្ត និងកសាងសំណុំរឿង ចាត់ការតាមនីតិវិធីច្បាប់៕
Source: Kampuchea Thmey Daily
0 Comments