បន្ទាយមានជ័យ ៖ កាលពីព្រឹក ថ្ងៃទី១៧ ខែសីហា ឆ្នាំ២០១៨នេះ លោកវរសេនីយ៍ត្រី ងួន ភិរម្យ មេបញ្ជាការមូលដ្ឋានកងរាជអាវុធហត្ថស្រុកមង្គលបូរី បានដឹកនាំកម្លាំងអាវុធហត្ថ១ក្រុម ចុះប្រតិបត្តិការបង្ក្រាបករណីលួចជក់គ្រឿងញៀន ឃាត់ខ្លួនជនសង្ស័យបានចំនួន២នាក់ នៅចំណុចភូមិភូមិកោះកែវ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
លោកវរសេនីយ៍ត្រី ងួណ ភិរម្យ បានឲ្យដឹងថា ជនសង្ស័យទាំង២នាក់ នោះ១មានឈ្មោះ សូត្រ ចាន់យឿត ភេទប្រុស អាយុ២០ឆ្នាំ មុខរបរ កម្មករ រស់នៅភូមិអូរធំ ឃុំបន្ទាយនាង ស្រុកមង្គលបូរី ទី២មាន ឈ្មោះ អួន ចាន់សុវណ្ណឌី ភេទស្រី អាយុ១៧ឆ្នាំ មុខរបរគ្មាន រស់នៅភូមិអញ្ចាញ ឃុំឫស្សីក្រោក ស្រុកមង្គលបូរី កម្លាំងអាវុធហត្ថធ្វើការដកហូតវត្ថុតាងរួមមានទូរស័ព្ទដៃម៉ាក OPPO ពណ៌ស ១គ្រឿងឧបករណ៍សម្រាប់ជក់គ្រឿងញៀនមួយចំនួន។ ហើយបានបញ្ជូនជនសង្ស័យ រួមជាមួយវត្ថុតាង ទៅទីបញ្ជាការដ្ឋានកងរាជអាវុធហត្ថខេត្ត ដើម្បីសាកសួរបន្ត។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្ត ទទួលការងារប្រយុទ្ធប្រឆាំងគ្រឿងញៀនដោយបានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានធ្វើការសួរចម្លើយជនសង្ស័យបានឆ្លើយសារភាពថា ខ្លួនទាំង២នាក់ ពិតជាបានលួចជក់គ្រឿងញៀនពិតប្រាកដ ក្រោយពីទទួលបានចម្លើយសារភាព និងធ្វើតេស្តទឹកនោមជនសង្ស័យអាចត្រូវចោទពីបទប្រើប្រាស់ដោយខុសច្បាប់ កម្លាំងជំនាញបានកសាងសំណុំបញ្ជូនជនសង្ស័យ រួមជាមួយវត្ថុតាង ទៅតុលាការ ដើម្បីចាត់ការទៅតាមនីតិវិធីច្បាប់៕
Source: Kampuchea Thmey Daily
0 Comments