ភ្នំពេញ ៖ ជនសង្ស័យជាជនជាតិវៀតណាមម្នាក់ ត្រូវបានសមត្ថកិច្ចខណ្ឌឫស្សីកែវចាប់ខ្លួនជាមួយនឹងថ្នាំញៀនខុសច្បាប់ចំនួន២២កញ្ចប់ បន្ទាប់ពីបើកការស្រាវជ្រាវអស់មួយរយៈហើយធ្វើការបង្ក្រាបជាក់ស្តែងតែម្តង កាលពីវេលាម៉ោង១១និង០៥នាទីព្រឹក ថ្ងៃទី១ ខែសីហា ឆ្នាំ២០១៨ត្រង់ចំណុចសំណង់មិនរៀបរយ ក្រុម០៧ ភូមិលូ សង្កាត់ស្វាយប៉ាក ខណ្ឌឫស្សីកែវ។
នគរបាលឲ្យដឹងថា ជាលទ្ធផលក្នុងកិច្ចប្រតិបត្តិការនេះ កម្លាំងនគរបាលបានធ្វើការឃាត់ខ្លួនជនសង្ស័យចំនួនម្នាក់មានឈ្មោះ ង្វៀង យ៉ាំងឌាំង ភេទប្រុស អាយុ៤៣ឆ្នាំ ជនជាតិវៀតណាម ស្នាក់នៅផ្ទះគ្មានលេខ ផ្លូវលំ ក្រុម០៧ ភូមិលូ សង្កាត់ស្វាយប៉ាក(ជួញដូរ)។
ចំពោះវត្ថុតាងដកហូតមាន ក្រាមពណ៌សថ្លាចំនួន ២២កញ្ចប់ ជញ្ជីងថ្លឹងគ្រឿងញៀនចំនួន០១ថង់សម្រាប់វេចខ្ចប់គ្រឿងញៀនមួយចំនួន និង ឧបករណ៍ប្រើប្រាស់គ្រឿងញៀនមួយចំនួន។
ក្រោយឃាត់ខ្លួនជនសង្ស័យត្រូវបានបញ្ជូនទៅកាន់អធិការដ្ឋាននគរបាលខណ្ឌឫស្សីកែវ កសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕
Source: Kampuchea Thmey Daily
0 Comments