ភ្នំពេញ ៖ នៅវេលាម៉ោង៨ និង៣០ នាទីព្រឹកថ្ងៃទី២៥ ខែកញ្ញា ឆ្នាំ២០១៨ នេះ ក្រសួងរៀបចំដែនដីនគរូបនីយកម្មនិងសំណង់ បានរៀបចំសិក្ខាសាលាមួយ ដើម្បីផ្សព្វផ្សាយប្រកាសស្តីពីការអភិវឌ្ឍដី ដែលសិក្ខាសាលានេះរៀបចំឡើងក្រោមអធិបតីភាពលោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ហើយសិក្ខាសាលានេះធ្វើឡើងក្នុងគោលបំណងលើកកម្ពស់ការរៀបចំដីឲ្យបានត្រឹមត្រូវ និងចំទិសដៅ ដើម្បីធានាការអភិវឌ្ឍន៍ដែនដី និងនគរូបនីយកម្មប្រកបដោយចិរភាពតុល្យភាព និងប្រសិទ្ធភាព, គ្រប់គ្រងការអភិវឌ្ឍដីបំបែកក្បាលដី ឬការបង្រួមក្បាលដី ទៅជាដីឡូត៍សម្រាប់លក់ និងសាងសង់លំនៅឋានឧស្សាហកម្មអគារឧស្សាហកម្មពាណិជ្ជកម្ម និងទេសចរណ៍, លើកកម្ពស់ការអភិវឌ្ឍបៃតងដើម្បីកាត់បន្ថយការប្រែប្រួលអាកាសធាតុ និងទប់ស្កាត់គ្រោះមហន្តរាយធម្មជាតិជាយថាហេតុ៕
Source: Kampuchea Thmey Daily
0 Comments