សេង ស្រឿ​ន ចាញ់​ថៃ​ចំណូល​ថ្មី Sen Sak ដោយ​ពិន្ទុ

សេង ស្រឿ​ន អ្នក​ប្រដាល់​កម្ពុជា ក្លិប​ម​ហិ​ទ្ធ​រិ​ទ្ធ​មេសរ​ថ្ង​ក​ខេត្តស្វាយរៀង វាយ​ចាញ់​អ្នក​ប្រដាល់​ថៃ​ចំណូល​ថ្មី Sen Sak ក្នុង​ការជួប​ប្រកួត​គ្នា​កាលពី​ព្រឹក​ថ្ងៃអាទិត្យ​ទី​២៣​ ខែ​កញ្ញា​ ឆ្នាំ​២០១៨ លើស​ង្វៀន​Boostrong Fighter On Fire នៅ​ប៉ុស្តិ៍​អាស៊ីអាគ្នេយ៍។

សេង ស្រឿ​ន ប្រកួត​មួយ​ទឹក​ពីរ​ទឹក​ដំបូង គេ​វាយ​គ្រាន់បើ​ដោយ​វាយប្រហារ​ជើង​ក្រោម​របស់​Sen Sak ឡើង​ចង់​ខូច​ជំហរ​ប្រកួត ប៉ុន្តែ​មិនអាច​ផ្តួល​អ្នក​ប្រដាល់​ថៃ​នេះ​អោយ​ដួល​ឬ​បោះបង់​ការប្រកួត​ដោយសារ​ឈឺ​ជើង​នោះឡើយ ។​

ចាព់ពី​ទឹក​ទី​៣​ទៅដល់​ទឹក​ទី​៥ សេង ស្រឿ​ន បាន​វាយ​ចាញ់​ប្រៀប​Sen Sak​ពិសេស​ចាញ់​ត្រង់​Sen Sak​ចូលចាប់​កាច់​ផ្តួល​ឲ្យ​ដួល​លើ​រេញ​ច្រើនដង និង​ចាញ់​ជង្គង់​អ្នក​ប្រដាល់​ថៃ​រូបនោះ​ទៀតផង ។ ចប់​ការប្រកួត​សេង ស្រឿ​ន ចាញ់​Sen Sak​ដោយ​ពិន្ទុ ។
Sen Sak គេ​មិន​ធ្លាប់​មក​ប្រកួត​នៅ​កម្ពុជា​នោះទេ​កន្លងមក ដោយ​គេ​ទើប​មក​ប្រកួត​នៅ​ស្រុក​ខ្មែរ​ជា​លើកដំបូង​ប៉ុណ្ណោះ​។ អ្នក​ប្រដាល់​ថៃ​រូបនេះ គេ​ជា​ជើង​ខ្លាំង​ម្នាក់​នៅ​ប្រទេស​ថៃ ហើយ​អ្នក​ប្រដាល់​ថៃ​ម្នាក់នេះ រឹងមាំ និង​វាយ​ខ្លាំង ។ Sen Sak គេ​មាន​ប្រវត្តិ​ប្រកួត​៥៩​លើក ដោយ​វាយ​ឈ្នះ​៥២​លើក ចាញ់​០៧​លើក មិនដែល​ស្មើ ខ​ណះ​ដែល​សេង ស្រឿ​ន មានកំនត់​ត្រា​ប្រកួត​៧៩​លើក ឈ្នះ​៦៣​លើក ចាញ់​១៥​លើក និង ស្មើ​០១​លើក ។

អេ រដ្ឋា អ្នក​ប្រដាល់​ក្លិប​អេ​ភូ​ថង​កីឡា បាន​ផ្តួល​យកឈ្នះ​សេក​គឹម​សាន្ត អ្នក​ប្រដាល់​ក្លិប​អង្គរ​មានជ័យ​ខេត្តសៀមរាប​ក្នុង​ទឹក​ទី​៣ ។ គឹម​សាន្ត ដែលជា​អ្នក​ប្រដាល់​ស្រករ​ក្រោយ នោះ ត្រូវ​អេ រដ្ឋា ដែល​គេ​ស្គាល់​ថា​ជា ម៉ន រដ្ឋា​ពីមុន​នោះ ចាប់​អុក​នឹង​ជង្គង់​រហូត​សន្លប់​ក្នុង​ទឹក​ទី​៣ ។​

កេ​ត ចាន់​ឌី អ្នក​ប្រដាល់​សមាគម​កីឡាប្រដាល់​ក្រសួងការពារជាតិ ក៏​ផ្តួល​សយ សី អ្នក​ប្រដាល់​ក្លិប​ពន្លឺ​វិបុល​ដា​រិ​ទ្ធ​ពោធិ​សែន​ជ័យ ក្នុង​ទឹក​ទី​៣​ដែរ ។ សយ សី ត្រូវ​អាជ្ញាកណ្តាល​បញ្ឈប់​លែង​ឲ្យ​ប្រកួត បន្ទាប់ពី​រាប់​៨​ពីរដង​ក្នុង​ទឹក​ទី​១​ម្តង និង​ទឹក​ទី​៣​ម្តង ហើយ​ដួល​លើកចុងក្រោយ​នោះ អាជ្ញាកណ្តាល​ក៏​បញ្ឈប់​លែង​ឲ្យ​ប្រកួត​តែម្តង ដោយសារ​គេ​មិនអាច​តស៊ូ​ជាមួយ​កេ​ត ចាន់​ឌី​បាន​ទៀត​នោះ ៕

មា​ជ សុខ​រ៉ា និង​ពុទ្ធ​ឆាយ​រិទ្ធី​ចាញ់​ក្នុង​ជម្រុះ​លើកដំបូង​ខ្សែក្រវាត់​Wurkz រដូវ​កាល​ទី​២ ទម្ងន់​៦៧​គីឡូក្រាម

អ្នក​ប្រដាល់​កម្ពុជា​២​រូប គឺ​មា​ជ សុខ​រ៉ា អ្នក​ប្រដាល់​ក្លិប​តា​ព្រហ្ម​មានជ័យ​និង​អ្នក​ប្រដាល់​ពុទ្ធ ឆាយ​រិទ្ធី ក្លិប​ពុទ្ធ​សេរី វង្ស​កីឡា បាន​វាយ​ចាញ់​ពិន្ទុ​អ្នក​ប្រដាល់​ថៃ​ដូចគ្នា នៅក្នុង​ការជួប​ប្រកួត​ក្នុង​ជុំ​ជម្រុះ​លើកដំបូង នៃ​ព្រឹត្តិការណ៍​ដណ្តើម​ខ្សែក្រវាត់​Wurkz រដូវ​កាល​ទី​២ ទម្ងន់​៦៧​គីឡូក្រាម លើស​ង្វៀន​SEA-TV កាលពី​ល្ងាច​ថ្ងៃទី​២៣​កញ្ញា​២០១៨​។

មា​ជ សុខ​រ៉ា អ្នក​ប្រដាល់​ក្លិប​តា​ព្រហ្ម​មានជ័យ បាន​ប្រកួត​ចាញ់​ពិន្ទុ​អ្នក​ប្រដាល់​ថៃ​Kev Kong van ដោយ​ក្នុង​ចំ​នៅ​ន​ចៅក្រម​ទាំង​៥​រូប មាន​ចៅក្រម​តែ​១​រូប​ប៉ុណ្ណោះ​ដែល​អោយគេ​ឈ្នះ​ថៃ ឯ​៤​រូប​ទៀត​គឺ​ឲ្យ​ថៃ​ឈ្នះ​ទាំងអស់ ដូច្នេះ​សុខ​រ៉ា ចាញ់ Kongvan ១​ទល់​៤។​

ពុទ្ធ ឆាយ​រិទ្ធី អ្នក​ប្រដាល់​ក្លិប​ពុទ្ធ​សេរី​វង្ស​កីឡា គេ​វាយ​ចាញ់​ពិន្ទុ​អ្នក​ប្រដាល់​ថៃ​Keng Kat ដោយ​ប្រផុតប្រផើយ គឺ​២​ទល់​៣ ដោយ​ក្នុងចំណោម​ចៅក្រម​៥​រូប មាន​២​រូប​អោយគេ​ឈ្នះ ហើយ​៣​រូប​ទៀត​អោយ​ថៃ​ឈ្នះ ។​

នេះ​ជាការ​ប្រកួត​ជម្រុះ​លើក​ទី​១ របស់​ពួកគេ​ទាំង​៤ ក្នុងការ​ប្រកួត​ជម្រុះ​ដណ្តើម​ខ្សែក្រវាត់ Wurkz រដូវ​កាល​ទី​២​ទម្ងន់​៦៧​គីឡូក្រាម ។​

សូមបញ្ជាក់ថា ព្រឹត្តិការណ៍​ប្រដាល់​ដណ្តើម​ខ្សែក្រវាត់​Wurkz រដូវ​កាល​ទី​២ ទម្ងន់​៦៧​គីឡូក្រាម​នេះ មាន​អ្នក​ប្រដាល់​ជើង​ខ្លាំង​កម្ពុជា​៤​រូប និង អ្នក​ប្រដាល់​ជើង​ខ្លាំង​ថៃ​៤​រូប ។​ការប្រកួត គឺ​ពុំមាន​វគ្គ​ពាក់កណ្តាល​ផ្តាច់ព្រ័ត្រ​ទេ ។ ដូច្នេះហើយ ទើប​ទាំង​ប្រដាល់​ខ្មែរ ទាំង​អ្នក​ប្រដាល់​ថៃ គឺ​ត្រូវការ​ឈ្នះ​ដូចគ្នា ត្បិត​គេ​ជ្រើសរើស​យកតែ​អ្នក​លេខ​១​និង​លេខ​១​ក្នុង​ជុំ នៃ​ពូ​ល​ខ្មែរ​និង​ពូ​ល​ថៃ តែប៉ុណ្ណោះ៕​



Source: Kampuchea Thmey Daily